1 Timotiya 6:2 - Xitsonga (Bibele)

² Kutani lava nga ni veni va vapfumeri, va nga tshuki va va tsan'wa, leswi va nga vamakwavo; kambe va va tirhela ngopfu kwalaho, hikuva i vapfumeri ni varhandziwa, kutani va va endlela swinene. Dyondzisa timhaka teti, u khongotela ha tona.

BIBELE Mahungu Lamanene

² Lava nga ni vinyi va vapfumeri, va nga va deleli hi ku vona leswaku i vamakwavo; kambe va fanele ku va tirhela hi malwandla, hi ku tiva leswaku vini lava va pfuniwaka hi ku tirheriwa hi ndlela leyi, i vapfumeri lava rhandzekaka. Dyondzisa vanhu tifanelo teto, u va lerisa tona.

Testamente Leyimpsha Xichangana

² Lavanga ni vinyi va vapfumeli, vangavayeyisi hi kuvona lesvaku i vamakwavu Hosini; kambe vafanele kuvatirhela hi malwandla, hi kutiva lesvaku vinyi lava vapfuniwaka hi kutirheliwa hi ndlela leyi, i vapfumeli lavarhandzekaka. Jondzisa vanhu timfanelo leto, uvaleleta tona.

1 Timotiya 6:2 Referans Kwoze

Vakolosa 4:1

Veni, endlelani malandza ya n'wina hi ku lulama, ni leswi fanelaka, mi ri karhi mi tiva leswaku, na n'wina, mi ni Hosi ematilweni.

1 Timotiya 4:11

Letela vanhu timhaka leti, u va dyondzisa tona.

Yuda 1:8

Hi mukhuva wolowo, eku lorheni ka vona, va tinyamisa enyameni, va engeta va alela vuhosi, va sandza lava nga eku kwetsimeni.

2 Petro 2:10

ngopfungopfu lava landzaka nyama eku naveleni ka thyaka, va sandza vuhosi, va tiarisa, va tikurisa, va nga chavi ku sola leswi kwetsimeke;

1 Petro 5:1

Ndzi khongotela vakulukumba lava nga eka n'wina, mina ndzi nga nkulu na vona, ni mbhoni ya ku vaviseka ka Kriste, ni la nga ni ku averiwa eku kwetsimeni loku nga ta humelela; ndzi ri:

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

Tito 2:15

Vula timhaka leti, u khongotela, u tshinya hi matimba hinkwawo; munhu a nga tshuki a ku sandza.

Tito 2:1

Loko u ri wena, vula leswi lulameleke ku dyondzisa loku tengeke:

1 Timotiya 5:1

U nga holoveri xidyuhati hi matimba, kambe u n'wi khongotela kukotisa loko a ri tata wa wena; lavantshwa, va khongotele kukotisa vamakwenu;

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

Vakolosa 1:4

hi ri karhi hi byeriwa ku pfumela ka n'wina eka Yesu Kriste, ni rirhandzu ra n'wina eka vakwetsimi hinkwavo,

Vakolosa 1:2

Eka vamakwerhu lava nga eka Yesu Kriste, vakwetsimi ni vapfumeri lava nga eKolosa; Tintswalo ni ku rhula a swi ve na n'wina, swi huma eka Xikwembu Tatana, ni le ka Hosi Yesu Kriste.

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Vaefesa 1:15

Hikwalaho, na mina, mpfhuka ndzi tweke mhaka ya ku pfumela ka n'wina eka Yesu Kriste, ni rirhandzu ra n'wina eka vakwetsimi hinkwavo,

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Varhoma 11:17

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya,

Varhoma 8:29

Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 23:8

Kambe n'wina mi nga tshuki mi vuriwa Rabi, hikuva mufundhisi wa n'wina i un'we; kutani n'wina hinkwenu mi vamakwenu.

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku: