1 Timotiya 6:16 - Xitsonga (Bibele)

¹⁶ a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

BIBELE Mahungu Lamanene

¹⁶ Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

Testamente Leyimpsha Xichangana

¹⁶ Hi yena ntsena lweyi angaliki ni kufa, lweyi ayakeke kuvonakaleni lokungatshineleliwiki; kuhava munhu ni mun'we lweyi atshamaka amuvona, kumbe lweyi akotaka kumuvona. Ka yena akuve kuchaviseka ni kufuma, hilaha kungaheliki. Amen.

1 Timotiya 6:16 Referans Kwoze

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

1 Yohane 1:5

Mhaka leyi hi nga yi twa eka yena, leyi hi mi byelaka yona, hileswaku Xikwembu i ku vonakala, kutani a ku na munyama eka xona, nikutsongo.

Pisalema 90:2

Loko tintshava ti nga si tumbuluka, Loko u nga si vumba misava, ni swilo hinkwaswo, Hi mikarhi ni mikarhi, u Xikwembu.

Vakolosa 1:15

Hi yena a nga xifaniso xa Xikwembu lexi nga voniwiki, mativula ya hinkwaswo leswi nga endliwa.

Yohane 6:46

A hileswaku munhu a vonile Tatana, loko a nga ri la humaka eka Xikwembu; hi yena la voneke Tatana.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Eksoda 3:14

Xikwembu xi ku eka Muxe: “Hi mina Loyi a nga kona.” Kambe xi ku: “U ta vurisa sweswo eka vana va Israele, u ku: ‘Loyi a nga kona u ndzi rhumile eka n'wina.’ ”

Nhlavutelo 4:11

“Hosi ni Xikwembu xa hina, u lulameriwe hi ku kwetsima, ni xichavo, ni matimba, hikuva u tumbuluxile swilo hinkwaswo, kutani swi kona, kambe swi tumbuluxiwe hi ku rhandza ka wena.”

Nhlavutelo 1:6

Eka loyi a hi rhandzeke, la nga hlantswa swidyoho swa hina hi ngati ya yena a va a endla tiko ha hina ni vaprista va Xikwembu, Tata wa yena eka yena a ku ve ku kwetsima ni matimba, hi masiku ni masiku Amen!

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

Vaefesa 3:21

eka yena a ku ve ku kwetsima eKerekeni leyi nga eka Yesu Kriste, etinxakeni hinkwato hi mikarhi ni mikarhi. Amen!

Habakuku 3:4

Ku humelela ku kwetsima loku ngi i ka dyambu; miseve ya ku vonakala yi pfa eka yena; hilaha matimba ya yena ma fihliweke kona.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Nhlavutelo 7:12

va ku: “Amen! Ku dzuneka, ni ku kwetsima, ni vutlhari, ni ku khensa, ni xichavo, ni vuhosi, ni matimba, a swi ve eka Xikwembu xa hina hi masiku ni masiku! Amen!”

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.

Eksoda 33:20

A engeta a ku: “U nga ka u nga voni mombo wa mina; hikuva a ku na munhu la nga ndzi vonaka a va a hanya.”

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

Yohane 14:9

Yesu a ku eka yena: “Ndzi tshamile na n'wina khale swonghasi, kasi a ku ndzi tivanga, Filipi? La ndzi voneke, u vonile Tatana, kwalaho u vurisa ku yini, loko u ku: ‘Hi kombe Tatana’?

Nhlavutelo 1:8

“Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.

Yohane 8:58

Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Vafilipiya 4:20

Sweswi, eka Xikwembu ni Tata wa hina, a ku ve ku twala hi masiku ni masiku, Amen!

Duteronoma 32:40

Hikuva ndzi tlakusa voko ra mina etilweni, Ndzi ku: ‘Ndzi loyi a hanyaka hi masiku:

Ntirho 37:23

Hi nga ka hi nga tshineli Lowa matimba hinkwawo, U tlakukile hi matimba, ni ku twisisa, ni ku lulama hinkwako, A nga hlamuli nchumu.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

1 Yohane 4:12

A ku na munhu la tshamaka a vona Xikwembu, ni siku ni rin'we; loko hi rhandzana, Xikwembu xi tshama eka hina, kutani rirhandzu ra xona ri hetisekile eka hina.