1 Timotiya 5:17 - Xitsonga (Bibele)

¹⁷ Vakulukumba lava risaka swinene a va faneriwe hi ku dzunisiwa kambirhi; ngopfu lava tirhaka hi matimba eritweni ni le ku dyondziseni.

BIBELE Mahungu Lamanene

¹⁷ Endla leswaku vakulukumba lava tirhaka swinene ntirho wa vurisi va kombisiwa xichavo lexikulu, ngopfu-ngopfu lava tikarhataka ku twarisa Rito ni ku dyondzisa,

Testamente Leyimpsha Xichangana

¹⁷ Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

1 Timotiya 5:17 Referans Kwoze

Vaheveru 13:17

Yingisani varisi va n'wina, mi tiveka ehansi ka vona; hikuva va hitekela mimoya ya n'wina, hikuva va ta vutisiwa hi yona; va yingiseni leswaku va swi endla hi ku tsaka, ku nga ri hi ku vilela; hikuva sweswo, swi nga ka swi nga mi humeseli vunene.

Vagalatiya 6:6

Loyi a dyondzisiwaka rito a a pambulele la n'wi dyondzisaka mitirho ya yena hinkwayo.

Luka 10:7

Mi tshamisa endlwini yoleyo, mi ri karhi mi dya, mi nwa leswi mi nga ta nyikiwa swona hikuva la tirhaka u lulameriwe hi hakelo ya yena. Mi nga suki endlwini yin'wana ku ya endlwini yin'wana.

Vaheveru 13:7

Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

2 Timotiya 2:6

La rimaka, u fanela ku tirha eku sunguleni ku va kona a nga ta tshovela swakudya.

Vafilipiya 2:29

N'wi amukeleni eHosini hi ku tsaka hinkwako, mi va ni xichavo eka vanhu lavo tano,

Varhoma 12:8

la hananaka, a a hanane hi mbilu leyo tenga; la lerisaka, a a lerise hi ku xiya; la endlaka mitirho ya tintswalo, a a endle hi ku tsaka.

Timhaka 28:10

Kutani va hi fundzha hi xichavo lexikulu; kambe siku hi sukaka, va hi longela leswi hi swi pfumaleke.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

Varhoma 16:12

Ndzi runguleleni Trifena na Trifosa, vavasati lava tirhelaka Hosi. Ndzi runguleleni Persida, wansati la rhandziwaka; na yena, u tirhile ngopfu entirhweni wa Hosi.

Varhoma 15:27

Va swi tsakerile hikuva va ni nandzu eka vona swinene. Hikuva vamatiko, loko va averiwile xuma xa vona xa Moya na vona, va fanele ku va tirhela hi xuma xa vona xa nyama.

Vafilipiya 4:3

Na wena, nakulorhi wa xiviri, va pfune; vavasati volavo va tirhele Evhangeli na mina, na Klemento, ni van'wana vatirhikulorhi, valavo mavito ya vona ma tsariweke ebukwini ya vutomi.

1 Vakorinto 16:16

Yingiselani vanhu lavo tano, ni hinkwavo lava khomeke ntirho swin'we na hina lava tiyiselaka kona.

Timhaka 11:30

Kunene va endlisa sweswo, va swi rhumela eka vakulukumba hi mavoko ya Barnaba na Sawulo.

2 TIHOSI 2:9

Kuteloko va perile, Eliya a ku eka Elixa: “Kombela lexi u xi rhandzaka ku endleriwa hi mina, ndzi nga si tlakuriwa, ndzi hambana na wena.” Elixa a ku: “Ndzi kombela ku averiwa moya wa wena kambirhi.”

2 Timotiya 4:2

Huwelela rito, u phikelela hi nkarhi, ni loko wu nga ri nkarhi; u laya, u tshinya, u khongotela hi ku yingisela hinkwako, ni ku dyondzisa.

1 Timotiya 4:16

U tilangutela, wena, ni ku dyondzisa ka wena, kutani u tiya kona, hikuva loko u endlisa sweswo, u ta tihanyisa; u ta hanyisa ni lava ku yingisaka.

1 Timotiya 3:5

hikuva loko munhu a nga tivi ku fuma yindlu ya yena, a nga risisa ku yini Kereke ya Xikwembu?

Vafilipiya 2:16

ndzi ta tiva ku tidzunisa esikwini ra Kriste leswaku a ndzi tsutsumelanga swahava, ni ku tirhela mahala.

Matewu 24:25

Maswivo, ndzi rhangile ndzi mi byela timhaka leti;

Vaheveru 13:24

Rungulani varisi va n'wina hinkwavo, ni vakwetsimi hinkwavo. Vaitaliya va mi rungula.

1 Timotiya 4:10

Hikuva, hikwalaho ka yona, a hi chavi mikarhalo ni ku sandziwa, hikuva hi langutele Xikwembu lexi hanyaka, a nga Mulondzovoti wa vanhu hinkwavo, ngopfu wa lava pfumelaka.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Timhaka 20:35

Ndzi mi kombisile eswilweni hinkwaswo leswaku hi ku tirhisa sweswo, ku fanekele ku pfuniwa lavo tsana, ni ku anakanya rito ra Hosi Yesu, leri a nga ri vula hi xiviri xa yena, loko a te: ‘Ku nyika, i ku kateka loku tlurisaka ku nyikiwa.’ ”

Yohane 4:38

Mina ndzi mi rhumile ku tshovela laha mi nga tirhangiki kona; van'wana va tirhile, kutani n'wina mi nghenile entirhweni wa vona.”

Luka 12:42

Hosi yi ku: “Mulanguteri hi wihi lowo tshembeka lo wa vutlhari, yeloyi n'wini wa yena a n'wi vekeke mulanguteri wa malandza ya yena, ku va nyika swakudya hi nkarhi wa swona?

Zakariya 9:12

Tlhelelani ekhokholweni, n'wina vakhomiwa lava nga ni ku tshemba! Namuntlha ndza vulavula, ndzi ri: Ndzi ta ku tlherisela kambirhi.

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

1 Timotiya 5:3

U va ni xichavo eka tinoni leti nga tinoni ta xiviri.

1 Timotiya 4:6

Loko u hlamusela timhaka leti, u ta va nandza lonene wa Yesu Kriste, ni la kurisiweke hi marito ya ku pfumela, ni dyondzo leyinene, leyi u yi landzeleleke swinene.

1 Vakorinto 3:9

Hikuva hi vatirhikulobye ni Xikwembu; kutani n'wina mi nsimu ya Xikwembu, mi yindlu ya Xikwembu.

1 Timotiya 4:14

U nga rivali nyiko leyi u nga na yona, leyi u yi nyikiweke hi ku bvumbha, hi ku tlhandleka ka mavoko ya nhlengeletano ya vakulukumba.

1 Timotiya 5:19

U nga tshuki u amukela rito ra ku hehla nkulukumba, loko timbhoni timbirhi, kumbe tinharhu ti nga ri kona.

Tinhlayo 18:31

Mi ta swi dya hinkwaswo, n'wina ni va tindlu ta n'wina; hikuva i hakelo ya n'wina leyi ringanaka ntirho wa n'wina etabernakeleni ya nhlengeletano.

Duteronoma 18:8

u ta dya leswi ringanaka swa vona, ku nga hlayiwi leswi a swi kumeke endzhakeni ya vatata wa yena.