1 Timotiya 5:10 - Xitsonga (Bibele)

¹⁰ a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

BIBELE Mahungu Lamanene

¹⁰ naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

Testamente Leyimpsha Xichangana

¹⁰ nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

1 Timotiya 5:10 Referans Kwoze

1 Timotiya 6:18

va tirha leswo saseka, va fuwa mitirho leyinene va rhandza ku avela van'wana swa vona, va hanana;

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Tito 3:1

U va tsundzuxa ku yingisa vuhosi ni tindhuna, ni ku ya hi nawu, ni ku tilunghisela mitirho hinkwayo leyo saseka;

Tito 2:7

eka hinkwaswo u tiendla ntila wa mitirho leyinene, hi ku dyondzisa loku tengeke, loku nga riki na xisandzu,

2 Timotiya 3:17

leswaku munhu wa Xikwembu a ta hetiseka, a ta lunghiseriwa ntirho wun'wana ni wun'wana lowunene.

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Luka 7:44

Kutani a rhendzelekela ka wansati, a ku eka Simoni: “Nsati loyi, wa n'wi vona-ke? Ndzi nghene endlwini ya wena, a ku ndzi hanga mati ndzi hlamba milenge; yena u tsakamisile milenge yanga hi minyembeti, a hlangula hi misisi ya nhloko yakwe.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Vaheveru 13:21

a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

Vaheveru 10:24

A hi lavelaneni leswaku hi ta fambisana hi ku chivirika erirhandzwini, ni le mitirhweni leyo saseka.

Tito 3:14

Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Luka 7:38

Kutani a khinsama endzhaku ka yena, emilengeni ya yena, a ri karhi a rila, a sungula ku n'wi tsakamisa milenge hi mihloti ya yena, a tlhela a hlangula hi misisi ya nhloko ya yena, a n'wi ntswontswa milenge, a yi tota hi mafurha.

Genesa 18:4

Ha nga lava matinyana, mi hlamba milenge, mi wisa ehansi ka murhi.

3 Yohane 1:12

Demetriyo u kumile vumbhoni lebyinene eka hinkwavo, na kona ka ntiyiso; kambe na hina hi timbhoni ta yena; kutani ma swi tiva leswaku vumbhoni bya hina hi lebyi tiyeke.

1 Petro 4:9

Mi amukelana eku endzeni ka n'wina, mi nga dzumadzumi.

2 Timotiya 3:15

ku suka evutsongwaneni bya wena, u tiva Matsalwa layo kwetsima, wona ma nga ku nyika vutlhari bya ku kuma ku hlayiseka hi ku pfumela eka Yesu Kriste.

2 Timotiya 2:21

Loko-ke, munhu a tibasisa eka swilo leswo, xi ta va xibya lexi twarisiwaka, lexi kwetsimisiweke, lexi pfunaka swinene n'wini wa xona, xi lunghiseriwile ntirho wun'wana ni wun'wana lowunene.

2 Timotiya 1:5

ndzi anakanya ni ku pfumela loku baseke loku nga eka wena ni loku ngi ku akile khale eka Luwisa kokwa wa wena, ni ka Yunika mana wa wena; kutani ndzi tshemba ngopfu leswaku ku kona, ni ka wena.

1 Timotiya 5:25

Kambe na yona mitirho yo saseka ya van'wana, yi le rivaleni kambe na yona leyi nga riki tano, yi nga ka yi nga fihliwi.

1 Timotiya 2:10

kambe ku va hi mitirho leyo saseka, hilaha swi lulamelaka hakona vavasati lava tivulaka leswaku va dzunisa Xikwembu.

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Timhaka 22:12

“Kavaloko Ananiya, munhu la gandzelaka Xikwembu hi mukhuva wa nawu, la dzunisiwaka hi Vayuda hinkwavo lava akeke eDamaska, a ta eka mina,

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini leyi nga ehenhla; kutani vavasati va tinoni hinkwavo va ta eka yena, va ri karhi va rila, va n'wi komba mikhancu ni tinguvu leti Dorkasi a nga va rhungela tona loko a ha ri na vona.

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Esaya 1:17

Dyondzani ku endla leswinene, lavani leswi lulameke, lamulelani la xanisiwaka; sirhelelani xisiwana, lwelani noni.

Pisalema 119:4

U hi lerisile swiletelo swa wena, Leswaku swi hlayisiwa hi mafundza,

Levhitika 25:35

“ ‘Kungakuloko makwenu la nga ekusuhi na wena a pfumala, ni loko voko ra yena ri rhurhumela entirhweni, u ta n'wi amukela, hambi a ri muluveri, hambi muendzi leswaku a tshama eka wena.

Genesa 24:32

Kutani nuna loyi a fika endlwini, va tshunxa tikamela, va ti nyika byanyi byo oma ni swakudya swa swifuwo; ku nehiwa ni mati ku hlamba milenge ya yena, ni milenge ya vanhu lava i ngi a ri na vona.

Genesa 19:2

a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

1 Timotiya 5:16

Loko mupfumeri wa wanuna a ri kona, kumbe wa wansati, la nga ni tinoni, a a va hlayise, kereke yi nga tshuki yi tikeriwa hi vona, yi ta tiva ku pfuna lava nga tinoni hi xiviri.

1 Timotiya 3:7

Swi fanele na kona leswaku a va ni vumbhoni lebyinene, lebyi humaka eka lava nga ehandle, leswaku a nga weli eku rhukiweni ni le ntlhan'wini wa Diyavulosi.

Genesa 43:24

Munhu yeloyi a va heleketa endlwini ya Yosefa, a va nyika mati, va hlantswa milenge ya vona, a fihluta ni timbhongolo ta vona.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,

Matewu 25:17

Loyi ingi a nyikiwile titalenta timbirhi, a ya bindzula ha tona, kutani a kuma tin'wana timbirhi.