1 Timotiya 4:8 - Xitsonga (Bibele)

⁸ Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

BIBELE Mahungu Lamanene

⁸ hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Testamente Leyimpsha Xichangana

⁸ hikuva hambi loko kuchukachukisa miri kuli loku kupfunaka hi matlhelo man'wana, vukhongeli bzipfuna hi matlhelo hinkwawu, nasvona bzitshembisa vutomi bza nkama lowu, ni bza lowutaka.

1 Timotiya 4:8 Referans Kwoze

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

1 Timotiya 6:6

Kunene vukhongeri, loko byi ri ni ku tsaka ka mbilu, i rifuwo lerikulu;

Swivuriso 22:4

Hakelo ya ku titsongahata ni ya ku chava Yehovha i rifuwo, ni ku kwetsima, ni vutomi.

Swivuriso 19:23

Xichavo xa Yehovha xi yisa evutomini, U ta xurha, a etlela, a nga humeleri hi khombo.

1 Yohane 2:25

Kutani ku tshembisa loku a hi nyikeke kona, i vutomi lebyi nga heriki.

Marka 10:30

emikarhini leyi, u ta nyikiwa ka dzana, tindlu, ni vamakwavo, ni vamanana, ni vana, ni masimu, swin'we ni ku xaniseka, kutani emikarhini leyi nga ta ta, u ta nyikiwa vutomi le byi nga heriki.

Pisalema 37:29

Lavo lulama va ta fuma misava, Va ta tshama ka yona hi masiku.

Pisalema 37:11

Va musa va ta fuma misava, Va ta titsakela eku rhuleni lokukulu ka vona.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Esaya 3:10

Vulani leswaku lava lulameke va katekile, hikuva va ta dya mihandzu ya mitirho ya vona.

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

Ntirho 22:2

“Xana munhu a nga pfuna Xikwembu hi xilo xin'wana xana? E-e, ni ku ringa; munhu wa vutlhari u tipfuna yena n'wini ntsena?

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Nhlavutelo 3:12

“ ‘La nga ta hlula, ndzi ta n'wi endla xiphandze etempeleni ya Xikwembu xa mina, kutani a nga ka a nga humi kona kambe ndzi ta tsala ehenhla ka yena vito ra Xikwembu xanga, ni vito ra muti wa Xikwembu xanga, wu nga Yerusalema lowuntshwa, lowu xikaka hi le tilweni eka Xikwembu xa mina, na rona vito ra mina lerintshwa.

1 Vakorinto 8:8

Kambe swakudya a hi swilo leswi hi nga tsakisaka Xikwembu ha swona; hikuva hambiloko hi dya, a hi engeteriwi nchumu; ni loko hi nga dyi, a hi pfumari nchumu.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Esaya 33:16

Hi yena la nga ta aka endhawini leyi tlakukeke; vuchavelo bya yena ma ta va makhokholo lama sunguriweke emaribyeni; u ta nyikiwa vuswa bya yena, kutani mati ya yena a ma nga phyi.

Pisalema 37:9

Hikuva lavo biha va ta susiwa, Kambe lava tshembaka Yehovha va ta fuma misava.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

1 Vakorinto 3:22

hambi a ri Pawulo, hambi a ri Apolosi, hambi a ri Kefasi, hambi yi ri misava, hambi byi ri vutomi, hambi ri ri rifu, hambi swi ri swa sweswi; hambi swi ri leswi nga ta ta; hinkwaswo i swa n'wina,

Matewu 19:29

Kutani un'wana ni un'wana la tshikeke vamakwavo, va xinuna kumbe va xisati, hambi a ri tata wa yena, kumbe mana wa yena, kumbe vana, ni loko ma ri masimu, kumbe tindlu, hikwalaho ka vito ra mina, u ta nyikiwa ka dzana, a dya ndzhaka ya vutomi lebyi nga heriki.

Ntirho 36:11

Loko va yingisa, kutani va xi tirhela, Va ta hetisela masiku ya vona eku katekeni, Ni malembe ya vona eku tsakeni.

Matewu 12:32

Loko munhu a sandza N'wana wa Munhu, u ta rivaleriwa; kambe la sandzaka Moya lowo Kwetsima a nga ka a nga rivaleriwi, ni siku ni rin'we, hambi ku ri laha emisaveni hambi ku ri enkarhini lowu nga ta humelela.

1 Timotiya 4:7

Kambe u ala timhaka ta swahava, ni mitsheketo ya swidyuhati, u titiyisa evukhongerini.

1 Timotiya 6:3

Kungakuloko un'wana a dyondzisa dyondzo yin'wana, kutani a nga namarheli marito lama hanyisaka ya Hosi ya hina Yesu Kriste, ni dyondza leyi lulameleke vukhongeri,

1 Timotiya 6:5

ni ku hambana etimhakeni ta vuhava ta vanhu lava nga ni ku anakanya loku boleke va lahlekeriwe hi ntiyiso va ringanisa leswaku vukhongeri byi hlola ku fuwa.

2 Timotiya 3:5

va ni nghohe ya vukhongeri, kambe va arile matimba ya byona. Na vona, u va fularhela.

Luka 5:38

Kumbe vhinyo leyintshwa yi cheriwa eminkwameni leyintshwa kutani yi hlayisana swin'we na yona.