1 Timotiya 4:10 - Xitsonga (Bibele)

¹⁰ Hikuva, hikwalaho ka yona, a hi chavi mikarhalo ni ku sandziwa, hikuva hi langutele Xikwembu lexi hanyaka, a nga Mulondzovoti wa vanhu hinkwavo, ngopfu wa lava pfumelaka.

BIBELE Mahungu Lamanene

¹⁰ Hi tirha swinene ni ku tikarhatela swona leswi, hikuva hi vekile ku tshemba ka hina eka Xikwembu lexi hanyaka, lexi nga muponisi wa vanhu hinkwavo, ngopfu-ngopfu wa lava pfumelaka.

Testamente Leyimpsha Xichangana

¹⁰ Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

1 Timotiya 4:10 Referans Kwoze

1 Timotiya 2:4

la rhandzaka leswaku vanhu hinkwavo va hlayiseka, va fika eku tiveni ka ntiyiso;

1 Yohane 2:2

Kutani hi yena, hi xiviri xa yena, a nga mhamba ya swidyoho swa hina; swi nga ri swa hina ntsena, kambe ni swa vanhu hinkwavo.

1 Timotiya 2:6

la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

Yohane 4:42

Kutani va ku eka wansati: “A ha ha pfumeri hikwalaho ka rito ra wena; hikuva na hina hi n'wi twile, kutani ha swi tiva leswaku loyi, hi yena Kriste kunene, mukutsuri wa misava.”

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Pisalema 84:12

Oho Yehovha wa tinyimpi, ku katekile la ku tshembaka!

Vaheveru 13:13

A hi humeni hakona, hi ya eka yena ehandle ka mixaxa, hi ri karhi hi rhwala tingana ta yena.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Pisalema 118:8

Ku tsutsumela eka Yehovha Ku tlula ku tshemba munhu.

Pisalema 52:8

Kambe mina, ndzi fana ni mutlhwari lowu hlukeke endlwini ya Xikwembu, Ndzi tshemba tintswalo ta Xikwembu hi masiku lama nga heriki.

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

Matewu 27:43

U tshembile Xikwembu; a xi n'wi lwele sweswi, loko xi n'wi tsakela, hikuva u te: ‘Ndzi N'wana wa Xikwembu.’ ”

Nahume 1:7

Yehovha u ni tintswalo, i xichavelo esikwini ra khombo, u tiva lava chavelaka eka yena.

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Yeremiya 17:7

Ku katekile munhu la titshembelaka Yehovha, loyi ku tshemba ka yena ku nga ka Yehovha!

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Pisalema 107:2

Vakutsuriwa va Yehovha, a va vurise sweswo, Lava a va poniseke emavokweni ya nala,

Pisalema 37:40

Yehovha wa va pfuna, wa va kutsula; U va kutsula eka lavo biha, wa va hlayisa, Hikuva va chaverile eka yena.

Pisalema 36:6

Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

2 Vakorinto 1:10

xi nga xona lexi hi hanyiseke eku feni lokonghasi, xa ha ri karhi xa hi hlayisa. Kutani hi tshembile leswaku xi ta tshama xi hi hanyisa, hi ri karhi hi pfuniwa hi mikhongelo ya n'wina;

1 Timotiya 2:3

Hikuva i xilo lexo saseka lexi amukelekaka emahlweni ya Xikwembu, Mulondzovoti wa hina,