1 Timotiya 3:8 - Xitsonga (Bibele)

⁸ Na vona vadiyakoni, va ve vanhu lava fundzhekaka, va nga tshuki va va ni tindzimi timbirhi, va nga tinyiketi evhinyweni hi ku tlurisa, va nga tshuki va bindzula hi ku kanganyisa;

BIBELE Mahungu Lamanene

⁸ Vatirheli ekerekeni na vona va fanele ku va lava chavisekaka, va nga vi na milomo mimbirhi, va nga tinyiketi ebyalweni, va nga vi na makwanga yo lava ku vuyeriwa;

Testamente Leyimpsha Xichangana

⁸ Vadiyakoni kerekeni na vona vafanele kuva lava vaxiximekaka, vavulavula ntiyiso, vangatinyiketi bzaleni, vangavi lavanavelaka bindzu robiha;

1 Timotiya 3:8 Referans Kwoze

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

1 Timotiya 5:23

U nga engeti u nwa mati ntsena, kambe u tipfuna hi vhinyonyana, hikwalaho ka le ndzeni ka wena, ni ku vabyanyana loku andzeke eka wena.

1 Timotiya 3:3

a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Yakobo 3:10

Enon'wini wu ri wun'we, ku huma ku khensa ni ku rhukana. A swi faneli, vamakwerhu, leswaku timhaka ti va tano.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

1 Timotiya 3:12

Kambe vadiyakoni a va ve ni nsati un'we, va va lava fumaka vana va vona ni tindlu ta vona swinene.

Ezekiele 44:21

A ku na muprista la nga ta nwa vhinyo loko a nghena erivaleni ra le xikarhi.

Pisalema 52:2

Ririmi ra wena ri luka ku onha ntsena, I rikari leri lotiweke leri vulaka mavunwa ntsena.

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

Varhoma 3:13

“Milomu ya vona i masirha lama ahlameke va xisa hi tindzimi ta vona. Vuxungu bya ti mhiri byi le hansi ka milomu ya vona.”

Pisalema 50:19

“U nyiketa nomu wa wena eku biheni, Ni ririmi ra wena ri luka ku kanganyisa ntsena.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,