1 Timotiya 3:6 - Xitsonga (Bibele)

⁶ Kambe a nga tshuki a va mupfumeri lontshwa, a nga ti tshuka a tikurisa, kutani a wela eku avanyiseni ka Diyavulosi.

BIBELE Mahungu Lamanene

⁶ A nga vi munhu loyi a ha ku pfumelaka, hikuva a nga tshuka a tela hi manyunyu a tikukumuxa, kutani a avanyisiwa kukota Diyavulosi.

Testamente Leyimpsha Xichangana

⁶ Angavi munhu lweyi ahakupfumelaka, hikuva angatshuka ateliwa hi kutikulisa atikukumuxa, kutani ayavanyisiwa kufana na Diyavulosi.

1 Timotiya 3:6 Referans Kwoze

1 Timotiya 6:4

wa tikurisa, a nga tivi nchumu, u ni vuvabyi bya ku tengisana ni ku lwa hi marito, laha ku humaka kona mona, ni timholovo, ni ku lumbetana, ni ku vilela loko biha,

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

2 Vakorinto 12:7

Kambe hileswaku ndzi nga tshuki ndzi kukumuxiwa hi vukulukumba bya swikombiso, ndzi nghenisiwile riphantsu enyameni, yi nga ntsumi ya Satana, leswaku yi ndzi phakata, ndzi nga ti tshuka ndzi tikurisa.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

1 Vakorinto 3:1

Loko ndzi ri mina, vamakwerhu, ndzi hlulekile ku vulavula na n'wina kukotisa loko ingi mi ri va Moya; kambe ndzi vulavule na n'wina kukotisa loko ingi mi ri va nyama, ni swihlangi eka Kriste.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Swivuriso 18:12

Ku onhaka loko ku nga si humelela, mbilu ya munhu ya tidzunisa, Kambe ku titsongahata ku rhangela xidzumo emahlweni.

2 TIKRONIKA 32:25

Kambe Hezekiya a nga tlheriselanga Xikwembu hilaha a katekisiweke hakona, hikuva mbilu ya yena yi tikurisa; ku kariha ka Yehovha ku va kona henhla ka yena ni le henhla ka Yuda na Yerusalema.

2 TIKRONIKA 26:16

Kuteloko a kumile matimba, mbilu ya yena yi tikukumuxa yi ko yi n'wi lovisa; a dyohela Yehovha, Xikwembu xa yena, hi ku nghena etempeleni ya Yehovha ku hisa mirhi ealitarini ya mirhi ya risuna.

2 TIHOSI 14:10

U hlurile Edomu, kutani mbilu ya wena yi ku kukumuxile: tsakela ku twala ka wena, u sala ekaya! U pfuxela yini khombo leswaku u hluriwa wena, ni va Yuda na wena?”

Duteronoma 17:20

swi va leswaku mbilu ya yena yi nga tshuki yi tikurisa ehenhla ka vamakwavo, ni leswaku yi nga hambuki enawini, hambi exineneni, hambi eximatsini, a ta lehisa masiku ya yena evuhosini bya yena, a ri yena ni vana va yena exikarhi ka Israele.

Duteronoma 8:14

mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi,

Yuda 1:6

kambe, ni tintsumi leti nga hlayisangiki swa ku sungula ka tona, kambe ti sukele ekaya ka tona, yi ti hlayisile emunyameni, hi ku bohiwa loku nga heriki, ku langutela kona ku avanyisa ka siku lerikulu.

2 Petro 2:4

Hikuva Xikwembu, loko xi nga tsetselelanga tintsumi leti nga dyoha, Kambe xi ti nyiketa etimpecaneni ta munyama, ti hoxiwa etiheleni; kutani a ti nyiketa leswaku ti hlayiseriwa ku avanyisiwa;

2 Timotiya 3:4

vaxengi, vakarihi, lava tikurisaka, lava rhandzaka ku tsaka, xi nga ri Xikwembu,

Luka 10:18

Yena a ku eka vona: “A ndzi vona Satana a wa hi le tilweni tanihi rihati.

1 Timotiya 3:7

Swi fanele na kona leswaku a va ni vumbhoni lebyinene, lebyi humaka eka lava nga ehandle, leswaku a nga weli eku rhukiweni ni le ntlhan'wini wa Diyavulosi.

Daniele 11:12

Kutani mavandla ya yena ma ta tikurisa, kutani mbilu ya yena yi ta tikukumuxa ngopfu, u ta wisa makume ya madzana ya vanhu; ntsena a nga ka a nga hluri.