1 Timotiya 3:5 - Xitsonga (Bibele)

⁵ hikuva loko munhu a nga tivi ku fuma yindlu ya yena, a nga risisa ku yini Kereke ya Xikwembu?

BIBELE Mahungu Lamanene

⁵ Hikuva loko munhu a nga tivi ku fambisa ndyangu wa yena, ú ta swi kotisa ku yini ku risa kereke ya Xikwembu xana?

Testamente Leyimpsha Xichangana

⁵ Hikuva loko munhu angakoti kufambisa njangu wa yena, atasvikotisa kuyini kufambisa kereke ya Xikwembu xana?

1 Timotiya 3:5 Referans Kwoze

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.

Vaefesa 5:24

kutani kukotisa leswi Kereke yi yingisaka Kriste, vavasati na vona, a va yingise vanuna va vona etimhakeni hinkwato.

Vaefesa 5:32

Xihundla lexi xi kurile, kambe ndzi vulavurisa sweswo hi ku ringanisa Kriste ni Kereke.

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

Vaefesa 1:22

kutani u vekile hinkwaswo ehansi ka milenge ya yena, a tlhela a n'wi veka ehenhla ka hinkwaswo, ku va nhloko ya Kereke,

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

1 Vakorinto 10:32

Mi nga tshuki mi khunguvanyisa Vagriki, hambi va ri Vayuda, hambi yi ri Kereke ya Xikwembu: