1 Timotiya 3:11 - Xitsonga (Bibele)

¹¹ Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

BIBELE Mahungu Lamanene

¹¹ Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

Testamente Leyimpsha Xichangana

¹¹ Hi ndlela yoleyo vadiyakoni va xisati avaxiximeke, vangavi valumbeti, kambe vatshembeka ka svilo hinkwasvu.

1 Timotiya 3:11 Referans Kwoze

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,

1 Petro 5:8

Tikhomeni, mi hiteka; hikuva nala wa n'wina, a nga Diyavulosi wa mi wonga kukota nghala leyi vombaka, yi lava loyi yi nga n'wi dyaka.

2 Timotiya 3:3

lava pfumalaka rirhandzu, lava nga tshembekiki, valumbeti; lava nga tiviki ku tikhoma, lava nga tiviki musa, lava vengaka lavanene,

Swivuriso 10:18

La fihlaka rivengo u ni nomu wa mano, Kambe la hangalasaka mahlevo i xihunguki.

2 Timotiya 4:5

Kambe wena, hiteka etimhakeni hinkwato, amukela makhombo, tirha ntirho wa muvuri wa Evhangeli, u hetisa ntirho wa wena.

1 Timotiya 6:2

Kutani lava nga ni veni va vapfumeri, va nga tshuki va va tsan'wa, leswi va nga vamakwavo; kambe va va tirhela ngopfu kwalaho, hikuva i vapfumeri ni varhandziwa, kutani va va endlela swinene. Dyondzisa timhaka teti, u khongotela ha tona.

1 Timotiya 1:12

Kutani ndzi khensa Hosi ya hina, Yesu Kriste, la nga ndzi tiyisa, hikuva u ndzi ringanisile la tshembekeke, loko a ndzi veke entirhweni, mina loyi ingi ndzi ri musandzi khale, ni muxanisi, ni munhu wa tinhlambha.

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina va khume na vambirhi? Kasi un'wana wa n'wina i demona.”

Matewu 4:1

Kutani Yesu a yisiwa hi Moya emananga ku ya ringiwa hi Diyavulosi.

Ezekiele 44:22

Va nga teki noni, kumbe nsati la tshikiweke, va ta teka ntsena va vanhwana va rixaka ra yindlu ya Israele; noni leyi nga noni ya muprista, va nga teka.

Yeremiya 9:4

“Un'wana ni un'wana a a tilangute hikwalaho ka nakulobye, kutani mi nga tshuki mi tshemba warikwenu, hikuva munhu un'wana ni un'wana u tele ku kanganyisa, kutani munhu un'wana ni un'wana u lumbeta warikwavo.

Swivuriso 25:13

Ntsumi leyi tshembekeke eka lava yi rhumeke Yi kotisa gamboko lero titimela enkarhini wa ku tshovela, Ri titimeta mbilu ya hosi yakwe.

Pisalema 101:5

Ndzi ta herisa la lumbetaka nakulobye exihundleni; Ndzi nga ka ndzi nga yingiseri wa mahlo lama tlakukeke ni wa mbilu leyi tidzunisaka.

Pisalema 50:20

U tshamisa kutani u hleva makwenu; U sandza n'wana wa mana wa wena.

Pisalema 15:3

Ririmi ra yena a ri hembeli munhu, A nga endli warikwavo leswo biha, A nga humeseri makwavo xisolo.

Levhitika 21:7

“ ‘Va nga tshuki va teka nsati wa mbhisa, kumbe la nga ni xisandzu; va nga tshuki va teka wansati la tshikiweke hi nuna wa yena, hikuva muprista u hlawuleriwe Xikwembu xa yena.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;