1 Timotiya 2:8 - Xitsonga (Bibele)

⁸ Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

BIBELE Mahungu Lamanene

⁸ Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

Testamente Leyimpsha Xichangana

⁸ Hikolaho, ninavela lesvaku, tindhawini hinkwatu, vavanuna vakhongela na vatlakusile mavoko lawa mabaseke, kuli hava kukariha kumbe madzolonga.

1 Timotiya 2:8 Referans Kwoze

Pisalema 134:2

Tlakusani mavoko ya n'wina evukwetsimelweni bya yena, Mi ri karhi mi tlangela Yehovha!

Pisalema 63:4

Hikwalaho ndzi ta ku khensa eku hanyeni ka mina, Ndzi ta yimisa mavoko ya mina hi vito ra wena.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Luka 24:50

Kutani a va yisa ehandle ka muti, ku ya fika ekusuhi na le Betaniya, kutani a tlakusa mavoko ya yena ehenhla a va katekisa.

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.

1 Timotiya 5:14

Hikwalaho, ndzi rhandza leswaku lavantshwa va tekiwa, va veleka vana, va risa tindlu ta vona, va nga tshuki va nyika mukaneti nkarhi, ni lowutsongo, wa ku hleva.

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Timhaka 10:2

a a ri munhu wa vukhongeri, la chavaka Xikwembu kun'we ni va yindlu ya yena hinkwavo; a a hanana ngopfu eka swisiwana swa tiko; a nga rhuteri ku khongela Xikwembu.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

1 Vakorinto 7:7

hikuva ndzi nga rhandza leswaku vanhu hinkwavo va fana na mina; kambe munhu un'wana ni un'wana u ni ku nyikiwa ka yena loku ku n'wi lulameleke, loku ku humaka eka Xikwembu; un'wana hi mukhuva lowo karhi, un'wana hi mukhuva wun'wana.

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Yohane 4:21

Yesu a ku eka yena: “Wansati, ndzi pfumele; nkarhi wa ta, lowu mi nga taka mi nga gandzeri Tatana entshaveni leyi, hambi ku ri eYerusalema.

Luka 23:34

Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

Matewu 21:21

Yesu a hlamula a ku eka vona: “Ndzi vurisile ndzi ri eka n'wina: Loko mi ri ni ku pfumela, mi nga kanakani, a mi nga endli ntsena kukotisa leswi endliweke emurhini wa nkuwa, kambe ni loko mi nga ku eka ntshava leyi: ‘Suka u ya tihoxa lwandle,’ swi ta endleka;

Matewu 5:44

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka;

Pisalema 66:18

Loko a ndzi anakanyile ku homboloka embilwini ya mina, Hosi a yi nga ta ndzi yingisanga,

Pisalema 26:6

Ndzi hlamba swandla swa mina eku lulameni, Kutani ndzi yima ekusuhi ni alitari ya wena, Yehovha!

Pisalema 24:4

Hi loyi a nga ni swandla leswi nga riki na nandzu, ni mbilu leyi tengeke. Loyi a nga nyiketiki moya wa yena ku hemba mavunwa, La nga hlambanyiki hi ku xisa.

Ntirho 16:17

Hambiswiritano, a ku na ku homboloka emavokweni ya mina, Xikhongelo xa mina xi basile.

Matewu 6:12

Hi rivalele milandzu ya hina, tanihi loko na hina hi rivalela van'wana lava nga ni milandzu eka hina.

Swivuriso 21:27

Magandzelo ya lavo biha i manyala, Ngopfu loko va gandzela hi makungu layo biha.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Pisalema 35:13

Kasi mina, eku vabyeni ka vona, a ndzi funengela tinguvu to khwaxa; A ndzi tsongahata moya wa mina hi ku titsona swakudya, Xikhongelo xa mina xi tlhela xi vuya exifuveni xa mina.

1 TIHOSI 3:11

Kutani Xikwembu xi ku eka yena: “Leswi u kombeleke swona, u nga tikombelelanga masiku layo tala, hambi rifuwo, hambi vutomi bya valala va wena, kambe u tikombelele ku twisisa ku yingisisa leswo lulama;

Pisalema 28:2

Yingisa rito ra mikhongelo ya mina loko ndzi huwelela eka wena, Ni loko ndzi tlakusa mavoko ya mina evukwetsimelweni bya wena.

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

1 Vakorinto 1:2

eka kereke ya Xikwembu leyi nga eKorinto, lava kwetsimisiweke eka Yesu Kriste, lava vitaniweke vakwetsimi, ni ka hinkwavo lava khongelaka ematlhelweni hinkwawo vito ra Hosi ya hina Yesu Kriste, yi nga Hosi ya vona ni ya hina;

2 Vakorinto 2:14

A ku dzunisiwe Xikwembu lexi hi nyikaka ku hlula ha Kriste hi mikarhi hinkwayo, lexi nga eka hina ku nun'hwela ka ku tiva ka xona hinkwako.

Vafilipiya 1:12

Vamakwerhu ndzi rhandza leswaku mi tiva leswaku leswi ndzi humeleleke swi pfunile ngopfu ku fambisa Evhangeli emahlweni;

1 Vatesalonika 1:8

Hikuva rito ra Hosi, loko ri suka eka rikwenu, ri pfumile, ku nga ri eMakedoniya ni le Akaya ntsena, kambe ku pfumela ka n'wina eka Xikwembu ku twakarile hinkwako, kwalaho a swa ha faneri leswaku hi vula nchumu hakona.