1 Timotiya 2:4 - Xitsonga (Bibele)

⁴ la rhandzaka leswaku vanhu hinkwavo va hlayiseka, va fika eku tiveni ka ntiyiso;

BIBELE Mahungu Lamanene

⁴ lexi navelaka leswaku vanhu hinkwavo va ponisiwa, va fika laha va kotaka ku tiva leswi swi nga ntiyiso.

Testamente Leyimpsha Xichangana

⁴ lexinavelaka lesvaku vanhu hinkwavu vaponisiwa, vafika laha vakotaka kutiva lesvi svinga ntiyiso.

1 Timotiya 2:4 Referans Kwoze

Ezekiele 18:32

Hikuva a ndzi tsakeli rifu ra loyi a lovaka, ku vula Hosi Yehovha. Hundzukani hakona, mi ta hanya!”

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

Ezekiele 18:23

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

2 Timotiya 2:25

a dyondzisa hi ku olova lava tiarisaka, Xikwembu xi ko xi va nyika kumbe ku hundzuka, va ta tiva swa ntiyiso,

1 Timotiya 4:10

Hikuva, hikwalaho ka yona, a hi chavi mikarhalo ni ku sandziwa, hikuva hi langutele Xikwembu lexi hanyaka, a nga Mulondzovoti wa vanhu hinkwavo, ngopfu wa lava pfumelaka.

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Tito 1:1

Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri,

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

2 Timotiya 3:7

va dyondza hi masiku hinkwawo, kambe va nga swi koti ku fika eku tiveni ka ntiyiso.

Luka 14:23

Kutani n'wini a ku eka nandza: ‘Famba etindleleni, ni le swihlahleni, u hluhlurheta vanhu ku nghena, yindlu ya mina yi tala.

Luka 1:77

ku ta tivisa tiko ra yena ku hlayiseka hi ku rivaleriwa ka swidyoho swa rona,

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Yohane 17:17

Va kwetsimise entiyisweni wa wena; rito ra wena hi wona ntiyiso.

Yohane 6:37

Hinkwaswo leswi ndzi swi nyikiwaka hi Tatana, swi ta ta eka mina; la taka eka mina, ndzi nga ka ndzi nga n'wi cukumeteli ehandle.

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

Vaheveru 10:26

Hikuva kungakuloko hi dyoha ha vomu, leswi hi nga amukela ku tiva ka ntiyiso, a ka ha ri na mhamba ya ku susa vudyoho,

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Varhoma 11:14

leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.

Yakobo 3:14

Kambe loko mi chivirikela ku biha, kutani ku tengisana ku ri kona etimbilwini ta n'wina, mi nga tshuki mi tidzunisa, ni ku hemba hi ku dyohela leswinene.

2 Yohane 1:1

Nkulukumba eka Kiria, la hlawuriweke, ni ka vana va yena, lava ndzi va rhandzaka entiyisweni, ndzi nga ri mina ntsena kambe ni hinkwavo lava tivaka ntiyiso,