1 Timotiya 2:1 - Xitsonga (Bibele)

¹ Hikwalaho, ndza mi khongotela emahlweni ka hinkwaswo, leswaku ku khongela ni ku kombela, ni ku khongelela, ni ku khensa, swi endleriwa vanhu hinkwavo,

BIBELE Mahungu Lamanene

¹ Loko swi ri tano, xo sungula, ndzi navela hi matimba leswaku ku kombela, ni ku khongela, ni ku khongelela, ni ku nkhensa, swi endleriwa vanhu hinkwavo,

Testamente Leyimpsha Xichangana

¹ Loko svilitano, xosungula, ninavela hi matimba lesvaku kukombela, ni kukhongela, ni kukhongelela, ni kukhensa, sviyendleliwa vanhu hinkwavu,

1 Timotiya 2:1 Referans Kwoze

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Vaefesa 5:20

mi khensa hi masiku Xikwembu Tata wa n'wina, hikwalaho ka hinkwaswo hi vito ra Hosi ya hina, Yesu Kriste.

2 Timotiya 2:24

Kambe loko a ri nandza wa Hosi, a nga tshuki a va na rilwo, kambe u fanele ku va ni musa eka hinkwavo, ni ku tiva ku dyondzisa a leha mbilu,

1 Timotiya 2:4

la rhandzaka leswaku vanhu hinkwavo va hlayiseka, va fika eku tiveni ka ntiyiso;

Vafilipiya 1:3

Ndzi khensa Xikwembu xa mina emikarhini hinkwayo leyi ndzi mi anakanyaka ha yona,

Vaheveru 6:11

Kambe hi navela leswaku un'wana ni un'wana wa n'wina a kombisa ku chivirika kuloko leswaku ku tshemba ku ta tiya ku ya fika makumu;

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

1 Timotiya 5:5

Loko yi ri noni ya xiviri leyi siyiweke yi ri yoxe, a yi langutele Xikwembu, kutani yi tiyisela eswikhongelweni vusiku ni nhlekanhi.

1 Vakorinto 15:3

Hikuva emahlweni ka swilo hinkwaswo, ndzi mi nyikile lexi: ndzi xi amukeleke na mina, hileswaku Yesu u fele swidyoho swa hina hilaha Matsalwa ma vulaka hakona,

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

1 Vatesalonika 3:12

Kutani Hosi a yi mi kurise, yi mi tatisela rirhandzu ro rhandzana ni ro rhandza hinkwavo, tanihi leswi hi mi rhandzaka hakona na hina,

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Varhoma 1:8

Ndzi sungula hi ku khensa Xikwembu xa mina ha Yesu Kriste, hikwalaho ka n'wina hinkwenu, hikuva ku pfumela ka n'wina ku twarile ematikweni hinkwawo.

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

2 Vakorinto 8:6

Hikwalaho, hi khongele Tito, hi ku: Leswi a sunguleke ntirho wolowo wa tintswalo exikarhi ka n'wina, u fanele ku wu heta.

Vaefesa 3:13

Hikwalaho ndza kombela, ndzi ri: Ku nga herisiwi timbilu hi nhlomulo lowu nga ndzi humelela hikwalaho ka n'wina, hikuva i ku dzunisiwa ka n'wina.

Ezra 6:10

va ta tiva ku humesela Xikwembu xa le henhla magandzelo ya risuna, kambe va ta khongelela ku hanya ka hosi ni ka vana va yona.

Yeremiya 29:7

Ma nga lavela muti lowo ndzi mi yiseke eku bohiweni eka wona ku tsaka, mi wu khongelela eka Yehovha, hikuva eku rhuleni ka wona, mi ta va ni ku rhula, na n'wina.

Vaefesa 6:18

mi khongela hi Moya hi mikarhi hi mikhongelo hinkwayo ni ku chivirikela kona, mi hanyanya kona hi ku tiyisela hinkwako, mi ri karhi mi khongelela vakwetsimi hinkwavo.

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;