1 TIKRONIKA 9:1 - Xitsonga (Bibele)

¹ Vaisraele hinkwavo va tsariwile, va tsariwa kunene ebukwini ya tihosi ta Israele; kutani va Yuda va yisiwa eBabilona evukhumbini, hikwalaho ka swidyoho swa vona.

BIBELE Mahungu Lamanene

¹ Hi mukhuva lowu, Vaisraele hinkwavo va tsariwa ebukwini ya “Matimu ya tihosi ta Israele”, hi ku ya hi tinyimba ta ka vona. Va ka Yuda a va yisiwile evukhumbini le Babilona, hikuva a va nga tshembekanga eka Xikwembu.

1 TIKRONIKA 9:1 Referans Kwoze

Nehemiya 7:64

Vona va lava mapapila ya mavito ya vona, ni ya tinyimba, va nga ma kumi, hikwalaho va humesiwa evupristeni.

Nehemiya 7:5

Kutani Xikwembu xa mina xi nghenisa embilwini ya mina ku anakanya ka ku hlengeleta vakulukumba ni tihosana ni tiko, leswaku va hlayiwa hi tinyimba ta vona; ndzi kuma buku ya tinyimba ta lavo rhanga, ndzi kuma kona va tsarile va ku:

Ezra 2:59

Van'wana va suka eTeli-Mela, na Teli-Harixa, na Keruba-Adani-Imere, va tsandzeka ku komba tindlu ta vatata wa vona ni rixaka ra vona, ni ku tiyisa leswaku a va ri Vaisraele.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

Yeremiya 39:9

Masalela ya tiko lama seleke emutini, ni vabaleki lava nga tinyiketa yena, ni lava seleke va tiko, Nebuzaradani, ndhuna ya valanguteri a va yisa eBabilona.

2 TIKRONIKA 33:11

Kutani Yehovha a tisa eka vona ku va pfuka, tindhuna ta hosi ya Asiriya, tona ti khoma Manase exikarhi ka mitwa, ti n'wi boha hi tiketana ta koporo, ti n'wi yisa eBabilona.

1 TIKRONIKA 8:40

Vana va Ulamu a va ri vavanuna va matimba lava copaka hi vurha, a va ri ni vana ni vatukulu lavo tala, va ri 150. Hinkwavo lava, a va ri vatukulu va Benjamini.

1 TIHOSI 14:19

Leswi seleke swa timhaka ta Yerobuwamu, hilaha a humeke nyimpi ni ku fuma hakona, swi tsariwile ebukwini ya Tikronika ta tihosi ta Israele.

2 TIHOSI 24:14

A teka vaaki hinkwavo va Yerusalema, ni tindhuna hinkwato ni vafuwi hinkwavo, a famba na vona, va ri vakhomiwa va 10 000, a teka ni vavatli hinkwavo ni vafuri; ku sala swisiwana swa tiko ntsena.

2 TIHOSI 24:15

A yisa Yoyakini eBabilona; kutani a yisa evukhumbini mana wa hosi, ni vasati va hosi, ni malandza ya yona, ni vakulukumba va tiko, a va teka eYerusalema, ku va yisa eBabilona.

2 TIHOSI 24:16

Ni vavanuna hinkwavo va nyimpi, va ri 7 000, ni vavatli ni vafuri, va ri 1 000, ni vavanuna hinkwavo lava tiyeke, lava hlomaka; hosi ya Babilona yi va yisa evukhumbini eBabilona.

Ezra 2:1

Hi lava vanhu va tiko lava vuyeke eku khomiweni, lava ngi va fambisiwile eku bohiweni eBabilona hi Nebukadnetsara, hosi ya Babilona, va tlhelele eYerusalema, na Yuda, un'wana ni un'wana emutini wa rikwavo.

Nehemiya 11:1

Tihosana ta tiko, tona, a ti akile eYerusalema; loko va ri van'wana va tiko va hlawuriwa hi vuhlolotwana leswaku exikarhi ka lava khume, un'wana a ta aka eYerusalema, emutini lowo kwetsima, lava ntlhanu na mune va aka emitini.

Esaya 3:2

hambi yi ri nhenha ni mulwi wa nyimpi, muavanyisi ni muprofeta,

Yeremiya 13:19

Miti ya tlhelo ra dzonga yi pfariwile, kutani a ku na la nga yi pfulaka; va Yuda hinkwavo va yisiwile evukhumbini, va yisiwile hinkwavo eku bohiweni.