1 TIKRONIKA 4:10 - Xitsonga (Bibele)

¹⁰ Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

BIBELE Mahungu Lamanene

¹⁰ Kutani Yabese a khongela Xikwembu xa Israele, a ku: “We Xikwembu, ndzi kombela leswaku u ndzi katekisa, u tlhengusa ni mindzilekana ya tiko ra mina, u ndzi biyelela eka leswo biha leswi swi nga ndzi xanisaka.” Kutani Xikwembu xi n'wi nyika leswi a swi kombeleke.

1 TIKRONIKA 4:10 Referans Kwoze

Swivuriso 10:22

Mikateko ya Yehovha yi fuwisa munhu, A nga n'wi engeteli mikarhalo.

Yeremiya 33:3

Vitana eka mina, ndzi ta ku hlamula, ndzi ku komba leswikulu, leswi fihliweke, leswi u nga swi tiviki.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Vaefesa 3:20

Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

Pisalema 119:173

Voko ra wena a ri ndzi pfune, Hikuva ndzi tihlawulele swileriso swa wena!

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

Yohane 10:28

mina ndzi ti nyika vutomi lebyi nga heriki; ti nga ka ti nga lovi, ni siku ni rin'we, kambe a ku na munhu la nga ti vutlaka evokweni ra mina.

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Pisalema 21:4

U kombele vutomi, kutani u n'wi nyikile byona, Byi ri vutomi lebyi tiyeke, lebyi nga heriki.

Esaya 41:17

Swisiwana ni vapfumari va lava mati va nga ma kumi, ririmi ra vona ri omile hi torha. Mina Yehovha, ndzi ta va yingisa, mina Xikwembu xa Israele ndzi nga ka ndzi nga va tshiki.

Pisalema 55:16

Loko ndzi ri mina, ndzi tshama ndzi huwelela eka Xikwembu, Kutani Yehovha u ta ndzi ponisa.

1 Vakorinto 1:2

eka kereke ya Xikwembu leyi nga eKorinto, lava kwetsimisiweke eka Yesu Kriste, lava vitaniweke vakwetsimi, ni ka hinkwavo lava khongelaka ematlhelweni hinkwawo vito ra Hosi ya hina Yesu Kriste, yi nga Hosi ya vona ni ya hina;

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

Pisalema 65:2

Wena la yingisaka mikhongelo! Vanhu hinkwavo va ta ta eka wena!

Genesa 32:26

Kutani yeloyi a ku: “Ndzi tshike ndzi famba, hikuva byi lava ku xa.” Kambe Yakobo a ku: “Ndzi nga ka ndzi nga ku tshiki u famba, u nga si ndzi katekisa.”

Swivuriso 30:8

Tshineta ekule na mina ku kanganyisa ni marito ya mavunwa. U nga ndzi hi vusiwana, hambi ku ri ku fuwa; Ndzi wundle hi swakudya leswi ndzi ringanaka.

Pisalema 51:8

Ndzi byele ku khana ni ku tsaka, Kutani marhambu lawa u ma tshoveke ma ta pfuka hi ku tsaka.

Ntirho 12:4

Ndzi hundzukile mahleko eka vanakulorhi, Loko ndzi kombela ku pfuniwa hi Xikwembu; Ingi la lulameke, la pfumalaka nandzu, i mahleko!

1 SAMIELE 1:17

Heli a hlamula, a ku: “Famba hi ku rhula, Xikwembu xa Israele a xi ku nyike lexi u xi kombeleke.”

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Pisalema 51:12

Ndzi tlherisele ku tsaka ka ku hlayiseka ka wena, Ndzi va ndzi seketeriwa hi moya lowu lulameke!

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Varhoma 16:19

Kambe hinkwavo va tiva ku yingisa ka n'wina. Ndzi mi tsakela kwalaho; kambe ndzi rhandza leswaku mi valavo tlhariha eku sasekeni, ni lavo tenga eku biheni.

Matewu 6:13

U nga hi yisi emiringweni, kambe u hi lwela eka lowo biha.’

1 TIKRONIKA 16:8

“Dzunisani Yehovha, khongelani vito ra yena! Tivisani exikarhi ka matiko, mitirho leyikulu ya yena!

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Luka 19:42

“Yo! Loko ngi na wena u ti tivile hi siku leri ra wena, timhaka leti ta ku rhula ka wena! Kambe sweswi, ti fihleriwe mahlo ya wena.

Matewu 26:75

Kwalaho Petro a anakanya rito ra Yesu hilaha a nga te eka yena: “Nkuku wu nga si ringa, u ta va u ndzi landzurile kanharhu.” Kutani a humela ehandle, a ya rila hi xiviti.

1 TIKRONIKA 4:9

Yabese a dzunisiwa ku tlurisa vamakwavo; mana wa yena a n'wi thya Yabese (ntirho), a ku: “Ndzi n'wi velekile hi ku vaviseka.”

1 TIKRONIKA 4:11

Kelubi, makwa Xuwa, a veleka Mehiri la nga tata wa Exitoni.

Genesa 28:20

Yakobo a hlambanya, a ku: “Kungakuloko Xikwembu xi va na mina, xi ndzi hlayisa endleleni leyi ndzi yi khomeke, xi ndzi nyika vuswa ndzi dya, ni tinguvu ndzi funengela,

Genesa 28:21

ndzi ko ndzi tlhela hi ku tsaka endlwini ya tatana, Yehovha u ta va Xikwembu xa mina.

Genesa 32:27

Loyi a ku eka yena: “Vito ra wena u mani?” Yena a ku: “Yakobo.”

1 SAMIELE 1:20

Kutani Elikana a tiva Hana, nsati wa yena, kutani Yehovha a n'wi tsundzuka. Hi lembe rolero, Hana a tika nyimba, kutani a veleka n'wana wa wanuna. A n'wi thya vito ra Samiele hikuva a ku: “Ndzi n'wi komberile eka Yehovha.”

1 SAMIELE 1:26

Kavaloko wansati a ku: “Ha! Hosi yanga, hi lahla moya wa wena wu hanyaka hakona, hi mina wansati loyi ingi a yimile kwala emahlweni ka wena, a khongela Yehovha.

1 SAMIELE 1:27

Ndzi komberile n'wana loyi eka Yehovha, kutani u ndzi nyikile lexi ndzi xi kombeleke.

Pisalema 121:7

Yehovha u ta ku sirhela eku biheni hinkwako, U ta hlayisa moya wa wena.

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.