“Ndza hanya, ku vula Yehovha, loko wa ngi Yekoniya, n'wana Yoyakimi, hosi ya Yuda, a kotisile xingwavila lexi tiyisiweke evokweni ra mina ra xinene, a ndzi ta n'wi chuputa kona!
Kutani hosi ya Babilona yi veka hosi ematshan'weni ya Yoyakini, Mataniya, makwa tata wa yena, kutani a hundzuluxa vito ra yena, a n'wi thya Sedekiyasi.
Yoyakini a a ri wa malembe ya 18 loko a sungula ku fuma; a fuma tin'hweti tinharhu eYerusalema, vito ra mana wa yena a a ri Nehuxita, n'wana Elinatani, wa Yerusalema.
Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?
Yoyakini a a ri wa malembe ya 18 loko a sungula ku fuma; kutani a fuma tin'hweti tinharhu na khume ra masiku eYerusalema, a endla leswo biha emahlweni ka Yehovha.
Hi lembe ra 37, ra ku khomiwa ka Yoyakini, hosi ya Yuda, hi n'hweti ya 12, hi siku ra 27 ra n'hweti, Evhili-Merodaka, hosi ya Babilona, lembe leri a sunguleke ku fuma, a tlakusa nhloko ya Yoyakini, hosi ya Yuda, a n'wi humesa ekhotsweni.
Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.