1 TIKRONIKA 21:8 - Xitsonga (Bibele)

⁸ Davhida a ku eka Xikwembu: “Ndzi dyohile ngopfu hi ku endla mhaka leyi! Sweswi, wa nga susa xidyoho xa nandza wa wena, hikuva ndzi endlile hi vuphukuphuku lebyikulu!”

BIBELE Mahungu Lamanene

⁸ Kutani Davhida a ku ka Xikwembu: “Ndzi dyohile ngopfu eka leswi ndzi swi endleke. Kambe sweswi, mina nandza wa wena, ndzi kombela leswaku u ndzi rivalela nandzu wa mina, hikuva leswi ndzi swi endleke i vuphukuphuku lebyikulu!”

1 TIKRONIKA 21:8 Referans Kwoze

2 SAMIELE 12:13

Kutani Davhida a ku eka Natani: “Ndzi dyohele Yehovha.” Kutani Natani a ku eka Davhida: “Yehovha u hundzisile xidyoho xa wena; u nga ka u nga fi;

1 Yohane 1:9

Loko hi tivula swidyoho swa hina, Xikwembu xa tshembeka, xi lulamile ku hi rivalela swidyoho, ni ku hi hlantswa ku homboloka hinkwako.

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Yeremiya 3:13

Ntsena u fanele ku tivula ku biha ka wena, hikuva u tshikile Yehovha, Xikwembu xa wena, kambe u ri karhi u tsutsumela matlhelo hinkwawo eka swikwembu swa vamatiko, ehansi ka mirhi hinkwayo leyi nga ni matluka, kutani a mi yingisanga rito ra mina, ku vula Yehovha.

Pisalema 32:5

Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

2 TIKRONIKA 10:9

A ku eka vona: “Hi nga hlamula yini eka tiko leri vulavuleke na mina, ri ku: ‘Vevukisa mpingu lowu tata wa wena a wu vekeke ehenhla ka hina’?”

2 SAMIELE 24:10

Kuteloko Davhida a hlayile tiko, ripfalo ra yena ri n'wi tlhava. Kutani Davhida a ku eka Yehovha: “Ndzi dyohile ngopfu eku endleni ka mina! Sweswi, oho Yehovha, wanga susa ku dyoha ka nandza wa wena, hikuva kunene ndzi hungukile.”

2 SAMIELE 13:13

Na mina ndzi ta ya rhwala kwihi tingana ta mina xana? Loko u ri wena u ta fana ni un'wana wa manyala eIsraeleni. Sweswi vulavula na hosi, kutani a nga ka a nga ndzi arisi eka wena.”

1 SAMIELE 26:21

Kavaloko Sawulo a ku: “Ndzi dyohile; tlhela, n'wananga Davhida, hikuva ndzi nga ka ndzi nga ku dyoheli, hikuva namuntlha vutomi bya mina a byi ri ni risima ngopfu emahlweni ka wena. Waswivo, ndzi endlile hi vuphukuphuku, ndzi ni nandzu lowukulu ngopfu.”

1 SAMIELE 13:13

Samiele a ku eka Sawulo: “U endlile hi vuhunguki, a ku hlayisangi ku lerisa loku Yehovha, Xikwembu xa wena, a nga ku lerisa kona. Hikuva Yehovha a a ta tiyisa ku fuma ka wena ehenhla ka Israele, hilaha ku nga heriki;

Genesa 34:7

Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.

1 TIKRONIKA 21:7

Mhaka leyi yi biha emahlweni ka Xikwembu, kutani xi ba Israele.