1 TIKRONIKA 16:2 - Xitsonga (Bibele)

² Kuteloko Davhida a hetile ku humesa tiholokosta ni magandzelo ya ku khensa, a katekisa tiko hi vito ra Yehovha.

BIBELE Mahungu Lamanene

² Loko Davhida a hetile ku humesa magandzelo lawa, a kombelela tiko hinkwaro eminkateko ya HOSI Xikwembu.

1 TIKRONIKA 16:2 Referans Kwoze

Genesa 47:10

Yakobo a katekisa Faro, kutani a suka emahlweni ka Faro.

Vaheveru 7:7

Kasi a ku na ku ariwa loko va ku: Hi lontsongo, loyi a katekisiwaka hi lonkulu.

2 TIKRONIKA 30:27

Kavaloko vaprista va Valevhi va pfuka va katekisa tiko; kutani rito ra vona ri yingisiwa hi Yehovha, xikhongelo xa vona xi fikela evuakweni bya ku kwetsima ka yena etilweni.

2 TIKRONIKA 29:29

Kuteloko va hetile ku humesa holokosta, hosi ni hinkwavo lava ngi a ri na vona, va korhama, va khinsama ematsolweni.

2 SAMIELE 6:18

Kuteloko a hetile ku humesa tiholokosta ni magandzelo ya ku khensa, a katekisa tiko hi vito ra Yehovha wa mavandla;

Yoxuwa 22:6

Kutani Yoxuwa a va katekisa, a va rhumela ekaya; kutani va timukela emitsongeni ya vona.

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.

Genesa 47:7

Yosefa a tisa Yakobo, tata wa yena emahlweni ka Faro. Kutani Yakobo a katekisa Faro.

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 14:19

Kutani a katekisa Abrama, a ku: “A ku katekisiwe Abrama hi Xikwembu xa le henhlahenhla, n'wini wa tilo ni misava;

1 TIKRONIKA 16:1

Kuteloko va tisile areka ya Xikwembu, va yi veka eTabernakeleni leyi Davhida a yi akeleke yona, kutani va humesa tiholokosta ni magandzelo ya ku khensa emahlweni ka Xikwembu.

1 TIKRONIKA 16:3

Kutani a avela Vaisraele hinkwavo, vavanuna ni vavasati, un'wana ni un'wana xinkwa, ni nhluvi wa nyama ni buwu ra mihandzu ya vhinya.

Ezekiele 45:17

Loko yi ri hosi, hi yona yi nga ta lavela mikhuvo, ni n'weti loko wu vonaka, ni Tisavata, tiholokosta, ni timhamba, ni leswi cheleriwaka Yehovha. Emikhubyeni hinkwayo ya yindlu ya Israele, hi yona yi nga ta humesa magandzelo ya swidyoho, ni mhamba, ni holokosta, ni magandzelo ya mikhenso, ku lavela yindlu ya Israele nkateko ha swona.