1 TIKRONIKA 15:2 - Xitsonga (Bibele)

² Kutani Davhida a ku: “A ku na munhu la nga ta rhwala areka ya Xikwembu loko va nga ri Valevhi, hikuva Yehovha u va hlawurile ku rhwala areka ya Xikwembu, ni ku tirha ntirho wa yona hi masiku.”

BIBELE Mahungu Lamanene

² Kutani Davhida a ku: “Areka ya Xikwembu a yi nga rhwariwi hi vanhu van'wana loko va nga ri Valevhi ntsena, hikuva HOSI Xikwembu xi hlawurile vona ku rhwala Areka ya xona, va tlhela va xi tirhela hilaha ku nga heriki.”

1 TIKRONIKA 15:2 Referans Kwoze

Duteronoma 10:8

Enkarhini wolowo, Yehovha a hlawula rixaka ra Levhi ku rhwala areka ya vumbhoni bya Yehovha, ni ku yima emahlweni ka Yehovha, ni ku n'wi tirhela, ni ku katekisa tiko hi vito ra yena, ku fika siku ra namuntlha.

Duteronoma 31:9

Muxe a tsala nawu lowu, kutani a wu nyika vaprista, vana Valevhi, lava rhwalaka areka ya ntwanano wa Yehovha, ni hinkwavo vakulukumba va Israele.

Yoxuwa 6:6

Kutani Yoxuwa, n'wana Nuni, a vitana vaprista, a ku eka vona: “Tlakulani areka ya ntwanano, kambe vaprista va 7 a va tamele tinanga ta 7 leti pfumaka emahlweni ka areka ya Yehovha.”

Yoxuwa 3:3

ti lerisa vunyingi ti ku: “Kutakuloko mi vona areka ya ntwanano wa Yehovha, Xikwembu xa n'wina, yi rhwariwa hi vaprista va Valevhi, mi ta suka laha mi goveke kona, mi famba endzhaku ka yona.

Esaya 66:21

Na swona, ndzi ta teka exikarhi ka vona, lava nga ta va vaprista ni Valevhi,” ku vula Yehovha.

2 TIKRONIKA 35:3

A byela Valevhi lava hlawuleriweke Yehovha, lava dyondziseke Vaisraele hinkwavo a ku eka vona: “Vekani areka leyi hlawuriweke endlwini leyi akiweke hi Solomoni, n'wana Davhida, hosi ya Israele; a mi na ku yi pinga emakatleni. Sweswi, tirhelani Yehovha, Xikwembu xa n'wina ni tiko ra xona ra Israele.

Tinhlayo 7:9

Loko va ri vana va Kohata, a nga va nyikanga swona, hikuva leswi va tirhelaka swilo leswi hlawuriweke va swi pinga emakatleni.

2 SAMIELE 6:13

Kutani lava rhwaleke areka ya Yehovha, kuteloko va fambile mpfhuka wa mikondzo ya ntlhanu na wun'we va tlhava nkunzi ni rhole leri noneke;

Eksoda 25:14

kutani u ta nghenisa mimpingu eswingwavileni, ematlhelweni ya areka ku yi byarha ha yona.

Tinhlayo 3:6

“Tshineta rixaka ra Levhi, u ri veka emahlweni ka Aroni, muprista, leswaku ri ta n'wi pfuna.

Tinhlayo 3:9

U ta nyika Aroni ni vana va yena, Valevhi; va ta va va nyikiwile yena kunene exikarhi ka vana va Israele.