1 TIKRONIKA 13:6 - Xitsonga (Bibele)

⁶ Kutani Davhida ni Vaisraele hinkwavo va tlhandluka eBaala (eKiriyata-Yeyarimi), lowu nga wa Yuda ku ya teka kona areka ya Xikwembu Yehovha loyi a tshamaka exikarhi ka tikerubu, laha ku khongeriwaka vito ra yena kona.

BIBELE Mahungu Lamanene

⁶ Kutani Davhida ni vavanuna hinkwavo va Israele va tlhandlukela eBaala, wu nga muti wa Kiriyata-Yeyarimi etikweni ra va ka Yuda, va ya teka Areka ya Xikwembu va vuya na yona. Hi yona Areka leyi thyiweke vito ra HOSI, Xikwembu lexi tshamaka exiluvelweni ehenhla ka tikerubu.

1 TIKRONIKA 13:6 Referans Kwoze

Yoxuwa 15:9

Ku suka enhlohlorhini ya ntshava, ndzilakana wu ya fika exihlobyeni xa mati ya Nefitowaka, kutani wu kongoma miti ya ntshava ya Efroni, kutani wu ya fika eBaala lowu nga Kiriyata-Yeyarimi;

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Eksoda 25:22

Ndzi ta hlangana na wena kona kutani ndzi ta ku byela kona evukhongelelweni, xiharhi ha tikerubu leti nga ehenhla ka areka ya vumbhoni, hinkwaswo leswi u nga ta lerisa vana va Israele.”

1 SAMIELE 4:4

Kavaloko tiko ri rhuma vanhu eXilo, kutani va tisa areka ya ntwanano wa Yehovha wa mavandla, la tshamaka xikarhi ka tikerubu. Na vona vana vambirhi va Heli, Hofini na Finiyasi, a va ri kona, ni areka ya ntwanano wa Xikwembu.

Yoxuwa 15:60

Kiriyata-Baala, lowu nga Kiriyata-Yeyarimi, Raba: miti mimbirhi ni swimitana swa yona.

Esaya 37:16

“Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Pisalema 99:1

Yehovha wa fuma, matiko ma rhurhumela; U tshamile exikarhi ka tikerubu; misava ya tsekatseka.

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

1 TIHOSI 8:16

‘Mpfhuka ndzi humesile tiko ranga ra Israele eEgipta a ndzi hlawulanga muti exikarhi ka tinxaka hinkwato ta Israele, leswaku va ndzi akela kona Yindlu laha vito ra mina ri nga ta tshama kona, kambe ndzi hlawurile Davhida leswaku a fuma tiko ra mina ra Israele!’

Tinhlayo 7:89

Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.

Tinhlayo 6:27

“ ‘Va ta vekela sweswo vito ra mina ehenhla ka vana va Israele, kutani mina ndzi ta va katekisa.’ ”

Eksoda 23:21

Chava emahlweni ka yona, u yingisa rito ra yona, u nga tshuki u ri alela, hikuva yi nga ka yi nga mi khomeli ku biha ka n'wina, hikuva yi ni vito ra mina.

Eksoda 20:24

U ta ndzi akela alitari ya misava, laha u nga ta tlhavela kona magandzelo ya wena, ni timhamba ta wena ta tinyimpfu ni ta tihomu. Hinkwako laha ndzi nga ta veka xitsundzuxo xa vito ra mina, ndzi ta ta eka wena kona, ndzi ku katekisa.

Yoxuwa 9:17

Kavaloko vana va Israele va suka va famba, kutani siku ra vunharhu va fika emitini ya vona; miti ya vona a wu ri Gibiyoni, na Kefira, na Beroto na Kiriyata-Yeyarimi.

1 SAMIELE 6:21

Kavaloko va rhuma tintsumi eka va Kiriyata-Yeyarimi, va ku: “Vafilista va tlherisile areka ya Yehovha, tanani mi ta yi tlhandlukisa eka rikwenu.”