1 TIKRONIKA 12:8 - Xitsonga (Bibele)

⁸ Vavanuna van'wana va matimba, va sukele va Gadi ku ya eka Davhida ekhokholweni emananga, ti ri tinhenha, leti tivaka ku lwa enyimpini, ti tamele switlhangu ni matlhari; tinghohe ta tona a ti fana ni tinghohe ta tinghala, a ti tsutsuma kukotisa timbavala etintshaveni:

BIBELE Mahungu Lamanene

⁸ Loko Davhida a a ri ekhokholweni ra le mananga, van'wana va ka Gadi va tihlanganisile na yena; a va ri tinhenha leti tivaka ku lwa nyimpi, va tamerile switlhangu ni matlhari, va chavisa kukota tinghala, va ri ni rivilo ku fana ni timbavala ta le tintshaveni.

1 TIKRONIKA 12:8 Referans Kwoze

2 SAMIELE 2:18

Vana va Seruya lavanharhu a va ri kona; a a ri Yowabu, na Abixayi, na Asahele; Asahele a a kota ku tsutsuma kukotisa mhunti ya nhova.

2 SAMIELE 23:20

Benaya, n'wana Yehoyada, n'wana wa nhenha ya Kabisele, a nga nkulukumba hi mitirho ya yena; a dlaya tinghala letimbirhi ta Mowabu; Kutani a ngirimela exihlobyeni a dlaya nghala kona hi siku ra gamboko.

2 SAMIELE 17:10

Kutani hambi la tiyeke ku tlurisa, ni lowa mbilu leyi kotisaka ya nghala, u ta chava; hikuva Vaisraele hinkwavo va tiva leswaku tata wa wena i wanuna wa matimba ni leswaku u landziwa hi tinhenha.

Yeremiya 46:9

Khandziyani tihanci! Tigolonyi, tsutsumani hi matsamba! Tinhenha a ti rhange emahlweni; Vakuxi ni Vaputu lava tamelaka switlhangu, ni Valudu lava khomaka mavurha!

Risimu ra Tinsimu 8:14

Suka, u tsutsuma, murhandziwa wanga! Kukotisa ntswele ya mhala, kumbe rhole ra timbavala, Etintshaveni ta mirhi ya risuna!

Swivuriso 28:1

Lowo biha u tsutsuma hambi a nga landziwi, Kambe lowo lulama u tsakile kukota xinghalana.

Swivuriso 6:5

U phonyoka kukota ntshembe emarindzini, Kukota nyanyana entlhan'wini wa muhloti.

2 TIKRONIKA 25:5

Amasiya a hlengeleta Vayuda, kutani a va xaxameta hi tindlu ta vatata wa vona hi tindhuna ta khume ra madzana, ni tindhuna ta dzana, ti ri ta tiko ra Yuda hinkwaro ni ra Benjamini; a tsala ni hinkwavo va malembe ya makume mambirhi ni le henhla ka wona; kutani a va kuma va ri vavanuna lava hlawuriweke lava humaka nyimpi, lava tamelaka tlhari ni xitlhangu, va ri 300 000.

1 TIKRONIKA 12:16

A ku ri ni vana va Benjamini, ni va Yuda lava yeke eka Davhida ekhokholweni.

1 TIKRONIKA 11:22

Benaya, n'wana Yehoyada, n'wana Kabisele, nhenha leyikulu hi mitirho ya yena, hi yena la tlhaveke tinghala timbirhi ta xikwembu ta Mowabu, Hi yena kambe la ngirimeleke exihlobyeni, a tlhava nghala kona hi siku ra gamboko.

1 TIKRONIKA 11:16

Enkarhini wolowo Davhida a a ri ekhokholweni, kutani a ku ri ni ntlawa wa valanguteri va Vafilista, eBetlehema.

2 SAMIELE 1:23

“Sawulo na Yonatani, varhandziwa ni lava tsakisaka evutomini bya vona, A va hambananga eku feni ka vona; A va tlula magama hi ku vevuka, A va tlula tinghala hi matimba.

1 SAMIELE 24:22

Kambe sweswi, ndzi hlambanyele hi Yehovha leswaku u nga ka u nga herisi vana va mina endzhaku ka mina ni ku hlangula vito ra mina endlwini ya tatana.”

1 SAMIELE 23:14

Davhida a tshama emananga, emakhokholweni, kutani a tshama entshaveni ya mananga ya Zifi; Sawulo a a n'wi lava masiku hinkwawo, kambe Xikwembu a xi n'wi nehanga emavokweni ya yena.

1 TIKRONIKA 12:7

na Yowela, na Zebadiya, n'wana Yerohama, wa Gedori.

1 TIKRONIKA 12:9

A a ri: Ezere, ndhuna; Obadiya, wa vumbirhi, Eliyabu, wa vunharhu;