1 TIKRONIKA 12:2 - Xitsonga (Bibele)

² a va copa miseve hi vurha, va tiva ni ku hoxa maribye hi voko ra xinene ni voko ra ximatsi, va huma exikarhi ka vamakwavo va Sawulo, va ka Benjamini:

BIBELE Mahungu Lamanene

² Vavanuna lava a va ri va ka Benjamini, maxaka ya Sawulo; a va tiva ku copa hi miseve ni ku hoxa maribye hi swipelupelu, va tirhisa voko ra xinene kumbe ra ximatsi.

1 TIKRONIKA 12:2 Referans Kwoze

Vaavanyisi 20:16

Exikarhi la tiko hinkwaro leri a ku ri ni vavanuna va 700, lava hlawuriweke, va ximatsi; valavo hinkwavo, a va hoxa maribye hi xipelupelu, va nga pfumari, va tlhava ni nsisi.

Vaavanyisi 3:15

Kutani vana Vaisraele va huwelela eka Yehovha; Yehovha a va humesela mulamuleri, Ehudi, n'wana Gera, wa Benjamini, wanuna wa ximatsi. Kutani vana va Israele va rhumela ha yena ndzuvo eka Egiloni hosi ya Mowabu.

1 TIKRONIKA 12:29

Vana va Benjamini, vamakwavo va Sawulo, a va ri 3 000, hikuva ku fika enkarhini lowu, vunyingi bya vona bya ha namarhele yindlu ya Sawulo.

1 SAMIELE 17:49

Kutani Davhida a yisa voko enkwameni, a teka ribye, a ri hoxa hi xipelupelu, a tlhava Mufilista emombyeni; ribye ri nghena emombyeni wa yena, kutani a wa hansi emahlweni ka yena.

1 TIKRONIKA 12:3

Ndhuna Ahiezere na Yowasi, n'wana Xema, wa Gibeya, na Yeziele, na Pelete, n'wana Azimavhete; na Beraka, na Yehu, wa Anatoto;

Pisalema 78:9

Vana va Efrayimi, lava hlomeke va tameleke vurha, Va fularhele hi siku ra ku lwa.

1 TIKRONIKA 8:40

Vana va Ulamu a va ri vavanuna va matimba lava copaka hi vurha, a va ri ni vana ni vatukulu lavo tala, va ri 150. Hinkwavo lava, a va ri vatukulu va Benjamini.