1 TIKRONIKA 11:3 - Xitsonga (Bibele)

³ Kavaloko vakulukumba hinkwavo va Israele va ta eka hosi eHebroni, Davhida a endla xinakulobye na vona emahlweni ka Yehovha eHebroni, kutani va chela Davhida hi mafurha leswaku a va hosi ya Israele, hilaha Yehovha a nga lerisa hakona hi nomu wa Samiele.

BIBELE Mahungu Lamanene

³ Kutani vakulukumba hinkwavo va Israele va hlengeletana entsindza eHebroni; kutani Davhida a endla ntwanano na vona kwale Hebroni emahlweni ka HOSI Xikwembu. Kavaloko va n'wi veka ku va hosi ya Israele hi ku n'wi chela mafurha enhlokweni, hilaha HOSI Xikwembu xi vuleke hakona hi nomo wa muprofeta Samiele.

1 TIKRONIKA 11:3 Referans Kwoze

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

2 SAMIELE 5:3

Kutani vakulukumba hinkwavo va Israele va ta ehosini, eHebroni, kutani hosi Davhida a endla xinakulobye na vona, eHebroni, emahlweni ka Yehovha; kutani va chela Davhida hi mafurha va n'wi veka hosi ya Israele.

2 SAMIELE 2:4

Vanhu va Yuda va ta kona, kutani va chela Davhida hi mafurha leswaku a va hosi ya yindlu ya Yuda. Kavaloko va ya byela Davhida mahungu, va ku: “I vanhu va Yabexe wa Giliyadi lava nga lahla Sawulo.”

1 SAMIELE 16:3

U ta vitana Yese egandzelweni, kutani ndzi ta ku tivisa leswi u fanelaka ku swi endla; u ta ndzi chelela loyi ndzi nga ta ku byela yena.”

2 TIKRONIKA 23:3

Nhlengeletano hinkwayo yi endla xinakulobye ni hosi endlwini ya Xikwembu. Kutani Yehoyada a ku eka vona: “Hi loyi n'wana wa hosi, loyi a fanelaka ku fuma hilaha Yehovha a vuleke hakona ehenhla ka vana va Davhida.

2 TIHOSI 23:30

Malandza ya yena ma suka eMegido, ma n'wi rhwele hi golonyi, ma n'wi yisa eYerusalema, kutani ma n'wi lahla esirheni ra yena. Kwalaho vanhu va tiko va teka Yowahazi, n'wana Yosiya, va n'wi chela hi mafurha, va n'wi veka hosi ematshan'weni ya tata wa yena.

2 TIHOSI 11:17

Kutani Yehoyada a endla ntwanano na Yehovha, ni hosi ni tiko, leswaku ri va tiko ra Yehovha; a endlisa sweswo ni le xikarhi ka hosi ni tiko.

1 SAMIELE 28:17

Yehovha u endlile hilaha a vuleke hakona ha mina; Yehovha u handzurile vuhosi bya wena u byi nyikile warikwenu, Davhida.

1 SAMIELE 23:18

Kavaloko va endla xinakulobye vona havambirhi emahlweni ka Yehovha. Kutani Davhida a tshama exihlahleni Yonatani yena, a tlhelela endlwini ya yena.

1 SAMIELE 15:28

Samiele a ku eka yena: “Namuntlha Yehovha u handzurile vuhosi bya Israele ehenhla ka wena, u byi nyikile warikwenu la ku tlulaka.

1 SAMIELE 11:15

Kavaloko tiko hinkwaro ri ya Giligala, kutani va veka kona Sawulo, a va hosi emahlweni ka Yehovha eGiligala; kutani va tlhava kona magandzelo ya ku khensa emahlweni ka Yehovha; kutani Sawulo ni vanhu hinkwavo va Israele va tsaka ngopfu.

Vaavanyisi 11:11

Kutani Yefta a famba ni vakulukumba va Giliyadi; tiko ri n'wi veka hosi ni mufambisi wa rona Kutani Yefta a vula timhaka ta yena hinkwato emahlweni ka Yehovha eMispa.

2 SAMIELE 5:5

A fuma ehenhla ka Yuda, eHebroni, hi malembe ya ntlhanu na mambirhi, ni tin'hweti ta ntlhanu na yin'we; ni le Yerusalema, a fuma malembe ya makume manharhu na manharhu ehenhla ka Vaisraele ni Vayuda hinkwavo.

1 TIKRONIKA 11:10

Hi tona tindhuna ta tinhenha ta Davhida leti n'wi tiyiseke evuhosini bya yena, kun'we ni Vaisraele hinkwavo, ku n'wi veka hosi, hilaha Yehovha a nga vula hakona ehenhla ka Israele.