1 TIKRONIKA 11:2 - Xitsonga (Bibele)

² Hambi ku ri khale, loko Sawulo a ha ri hosi, hi wena loyi a wu humesa tiko ra Israele, ni ku ri tlherisa; Yehovha, Xikwembu xa wena, xi ku byerile, xi ku: ‘Hi wena loyi u nga ta risa tiko ra mina ra Israele, hi wena loyi u nga ta va mufambisi wa tiko ra mina ra Israele.’ ”

BIBELE Mahungu Lamanene

² Khale loko Sawulo a ha ri hosi ya hina, hi wena a wu fambisa mavuthu ya Israele enyimpini; naswona HOSI Xikwembu xa wena xi ku tshembisile xi ku: ‘Hi wena loyi u nga ta va murisi ni mufambisi wa tiko ra mina ra Israele!’ ”

1 TIKRONIKA 11:2 Referans Kwoze

2 SAMIELE 5:2

Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

Yohane 10:4

Kuteloko a humesile tinyimpfu ta yena, a ti rhangela emahlweni, kutani tinyimpfu ti n'wi landza, hikuva ti tiva rito ra yena.

Pisalema 78:71

Xi n'wi susa eka tinyimpfu ta matswele, A ta va murisi wa Yakobo, tiko ra xona, Na Israele, ndzhaka ya xona.

2 SAMIELE 7:7

Hinkwako laha ndzi fambeke kona ni vana va Israele hinkwavo, xana ndzi vurile rito rin'we eka rin'wana ra tinyimba ta Israele leti ndzi ti leriseke ku risa Israele, tiko ra mina, ndzi te: “A mi ndzi akelanga ha yini yindlu ya kedari xana?” ’

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Yeremiya 3:15

Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

Esaya 55:4

Waswivo, ndzi n'wi vekile mbhoni exikarhi ka matiko, hosi, ni mufambisi wa matiko.

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

1 TIHOSI 14:7

Tlhelela eka Yerobuwamu, u ku: ‘Yehovha, Xikwembu xa Israele, u te: “Ndzi ku tlakusile exikarhi ka tiko, ndzi ku vekile mufambisi wa tiko ranga ra Israele,

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

1 SAMIELE 18:13

Kavaloko Sawulo a n'wi rhuma ekule na yena, a n'wi endla ndhuna ya vanhu va khume ra madzana; kutani Davhida a tshama a huma a nghena, a ri emahlweni ka tiko;

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

Tinhlayo 27:17

loyi a va humesaka, ni loyi a va nghenisaka; nhlengeletano ya Yehovha yi nga vi ku kotisa ntlhambi lowu nga riki na murisi.”