1 TIKRONIKA 10:1 - Xitsonga (Bibele)

¹ Vafilista va huma nyimpi ku ya lwa ni Vaisraele, kutani vanhu va Israele va tsutsuma emahlweni ka Vafilista, va wa, va tlhaviwile entshaveni ya Gilibowa, va fa kona.

BIBELE Mahungu Lamanene

¹ Siku rin'wana, loko Vafilista va ri karhi va lwa ni Vaisraele entshaveni ya Gilibowa, masocha ya Israele ma tsutsuma ma siya mintsumbu ya lava dlayiweke entshaveni.

1 TIKRONIKA 10:1 Referans Kwoze

1 TIKRONIKA 10:8

Siku leri tlhandlamaka, Vafilista va ta ku hluvula vafi, kutani va kuma Sawulo ni vana va yena, lava weke entshaveni ya Gilibowa.

2 SAMIELE 21:12

Kutani Davhida a ya teka marhambu ya Sawulo ni marhambu ya Yonatani, n'wana wa yena eka vini va Yabexe wa Giliyadi, lava yiveke wona erivaleni ra Beta-Xani, laha Vafilista va va hayekeke kona siku Vafilista va nga hlula Sawulo eGilibowa.

2 SAMIELE 1:21

“Tintshava ta Gilibowa! A ku nga vi na mberha ni mpfula ehenhla ka n'wina, A ku nga vi na nsimu ya mihlengo! Hikuva ku cukumetiwe kona switlhangu swa tinhenha. Xitlhangu xa Sawulo, Kukotisa loko ngi xi nga cheriwanga hi mafurha.

2 SAMIELE 1:6

Kutani jaha leri n'wi vikelaka timhaka ri ku: “A ndzi tshuka ndzi hundza entshaveni ya Gilibowa; kutani waswivo, Sawulo a tiseketela hi tlhari, kutani tigolonyi ni vakhandziyi va tihanci a va n'wi susumeta ngopfu.

1 SAMIELE 28:4

Kutani Vafilista va hlengeletana, va ya gova eXuneme. Kutani Sawulo a hlengeleta Vaisraele hinkwavo, va ta gova eGilibowa.

1 SAMIELE 28:1

Emasikwini lawa, Vafilista va hlengeleta tinyimpi ta vona ku ya pfuka Vaisraele. Kavaloko Akixi a ku eka Davhida: “Wa swi tiva leswaku ndzi ta huma na wena ku ya emixaxeni ni vanhu va wena.”

1 TIKRONIKA 9:44

Asele a a ri ni vana va xinuna va ntlhanu na un'we. Mavito ya vona hi lawa: Azirikama, Bokeru, Iximaele, Xeyariya, Obadiya, na Hanana. Hi vona vana va Asele.