1 TIHOSI 8:3 - Xitsonga (Bibele)

³ Kuteloko vakulukumba hinkwavo va Israele va fikile, vaprista va pinga areka.

BIBELE Mahungu Lamanene

³ Loko vakulukumba va Israele va fikile hinkwavo, vaprista va tlakula Areka ya HOSI Xikwembu.

1 TIHOSI 8:3 Referans Kwoze

Yoxuwa 3:6

Kutani Yoxuwa a byela vaprista, a ku: “Tekani areka ya ntwanano, mi famba emahlweni ka tiko.” Kavaloko va tlakula areka ya ntwanano, kutani va famba emahlweni ka tiko.

Duteronoma 31:9

Muxe a tsala nawu lowu, kutani a wu nyika vaprista, vana Valevhi, lava rhwalaka areka ya ntwanano wa Yehovha, ni hinkwavo vakulukumba va Israele.

Yoxuwa 3:3

ti lerisa vunyingi ti ku: “Kutakuloko mi vona areka ya ntwanano wa Yehovha, Xikwembu xa n'wina, yi rhwariwa hi vaprista va Valevhi, mi ta suka laha mi goveke kona, mi famba endzhaku ka yona.

Tinhlayo 4:15

“Aroni ni vana va yena loko va ta va va hetile ku funengeta vukwetsimelo ni mitirho hinkwayo ya byona, mixaxa yi ta fanela ku suka; kwalaho, vana va Kohata va ta nghena ku swi rhwala. Kambe va nga tshuki va khumba xilo lexi hlawuriweke hikuva va nga fa. Hi wona ndzhwalo wa vana va Kohata etabernakeleni ya nhlengeletano.

1 TIKRONIKA 15:2

Kutani Davhida a ku: “A ku na munhu la nga ta rhwala areka ya Xikwembu loko va nga ri Valevhi, hikuva Yehovha u va hlawurile ku rhwala areka ya Xikwembu, ni ku tirha ntirho wa yona hi masiku.”

Yoxuwa 6:6

Kutani Yoxuwa, n'wana Nuni, a vitana vaprista, a ku eka vona: “Tlakulani areka ya ntwanano, kambe vaprista va 7 a va tamele tinanga ta 7 leti pfumaka emahlweni ka areka ya Yehovha.”

Yoxuwa 4:9

Yoxuwa a yimisa ni maribye ya 12 exikarhi ka Yordani, laha ku nga yima mikondzo ya vaprista lava rhwalaka areka ya ntwanano, kutani ma yimile kona ku fika namuntlha.

Tinhlayo 7:9

Loko va ri vana va Kohata, a nga va nyikanga swona, hikuva leswi va tirhelaka swilo leswi hlawuriweke va swi pinga emakatleni.

1 TIHOSI 8:6

Kutani vaprista va nghenisa areka ya ntwanano wa Yehovha exivandleni xa yona, evukwetsimelweni bya Yindlu, exikwetsimisisweni, ehansi ka timpapa ta tikerubu.

2 SAMIELE 6:12

Kutani va ya byela hosi Davhida, va ku: “Yehovha u katekisile yindlu ya Obede-Edomu ni hinkwaswo leswi nga swa yena hikwalaho ka areka ya Xikwembu.” Kavaloko Davhida a ya kona, a tlhandlukisa areka ya Xikwembu hi ku tsaka emutini wa Davhida, yi susiwa endlwini ya Obede-Edomu.