1 TIHOSI 3:3 - Xitsonga (Bibele)

³ Solomoni a a rhandza Yehovha, a famba emilawini ya Davhida, tata wa yena; ntsena a a gandzela ni ku hisa mirhi ya risuna eswitsungeni.

BIBELE Mahungu Lamanene

³ Solomoni a a rhandza HOSI Xikwembu, a hanya hi ku yingisa swiletelo swa tata wa yena Davhida. Hi tlhelo rin'wana, Solomoni a a tolovele ku humesa magandzelo ni ku hisa mirhi ya risuna eswitsungeni leswo hlawuleka.

1 TIHOSI 3:3 Referans Kwoze

1 Vakorinto 8:3

Kambe loko munhu a rhandza Xikwembu, u tiviwa hi xona.

Pisalema 31:23

Rhandzani Yehovha, n'wina hinkwenu varhandziwa va yena. Yehovha u hlayisa lava tshembekaka, Kambe u tlherisela eka la tikurisaka, hinkwaswo leswi n'wi faneleke.

Duteronoma 30:16

hikuva ndzi ku lerisa namuntlha ku rhandza Yehovha, Xikwembu xa wena, ni ku famba etindleleni ta yena, ni ku hlayisa milawu ya yena, ni timhaka ta yena, ni ku lerisa ka yena, hi kona u nga ta hanya, ni ku andza, kutani Yehovha, Xikwembu xa wena, xi ta ku katekisa etikweni leri u nga ta nghena eka rona ku ri fuma.

Duteronoma 6:5

“U ta rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, ni matimba hinkwawo ya wena.

1 TIHOSI 3:14

Kutakuloko u famba etindleleni ta mina u ri karhi u hlayisa ku lerisa ka mina ni milawu ya mina, hilaha Davhida, tata wa wena, a fambeke hakona, ndzi ta lehisa masiku ya wena.”

1 TIHOSI 3:6

Solomoni a ku: “U kombisile tintswalo letikulu eka nandza wa wena Davhida, tata wa mina, hilaha a nga famba emahlweni ka wena entiyisweni, ni le ku lulameni, ni le vuneneni bya mbilu; u n'wi hlayisele tintswalo letikulu leti, kutani u n'wi nyikile n'wana la tshamisaka exitshan'weni xa vuhosi xa yena hilaha swi nga swona namuntlha.

Duteronoma 30:20

u ri karhi u rhandza Yehovha, Xikwembu xa wena, u yingisa rito ra yena ni ku namarhela yena; hikuva hi yena la nga ku hanya ka wena, ni ku leha ka masiku ya wena, leswaku u ta aka emisaveni leyi Yehovha a hlambanyeleke vatata wa wena, Abrahama, na Isaka, na Yakobo, ku va nyika yona.”

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Duteronoma 10:12

“Kutani sweswi, Israele, Yehovha Xikwembu xa wena, a lava yini eka wena-ke? A hileswaku u chava Yehovha, Xikwembu xa wena, u famba etindleleni hinkwato ta yena, u n'wi rhandza, u tirhela Yehovha, Xikwembu xa wena, hi mbilu hinkwayo ya wena, ni moya hinkwawo wa wena;

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Yohane 14:21

“La nga ni milawu ya mina, kutani a yi hlayisa, hi yena la ndzi rhandzaka, kutani la ndzi rhandzaka, u ta rhandziwa hi Tatana; na mina ndzi ta n'wi rhandza, kutani ndzi ta tihlavutela eka yena.”

Yohane 14:15

“Kungakuloko mi ndzi rhandza, hlayisani milawu ya mina.

Matewu 22:37

Yesu a ku eka yena: “Rhandza Hosi, Xikwembu xa wena, hi mbilu ya wena hinkwayo, ni moya wa wena hinkwawo, ni ku anakanya ka wena hinkwako.

2 TIHOSI 18:22

Loko mi ku eka mina: “Hi tshemba Yehovha, Xikwembu xa hina,” hi yena loyi Hezekiya a mbundzuxeke switsunga ni tialitari, a ku eka Yuda ni ka Yerusalema: “Mi ta khinsama emahlweni ka alitari leyi eYerusalema”?

2 TIHOSI 18:4

A susa switsunga, a faya swifaniso, a mbundzuxa swifaniso swa Axera, a fayetela nyoka ya koporo leyi endliweke hi Muxe; hikuva ku fika masiku lawa, vana va Israele a va hisela mirhi ya risuna emahlweni ka yona; a yi thya Nehuxitani (xiphemu xa koporo).

2 TIHOSI 15:35

Ntsena switsunga a swi susiwanga; tiko ri tshama ri humesa magandzelo, ni ku hisa mirhi ya risuna eswitsungeni. Hi yena la nga aka nyangwa ya le henhla ya yindlu ya Yehovha.

2 TIHOSI 15:4

Ntsena switsunga a swi susiwanga: tiko a ri tshama ri humesa magandzelo, ni ku hisa mirhi ya risuna eswitsungeni.

2 TIHOSI 14:4

Kambe switsunga a swi susiwanga, tiko ri tshama ri hisa mirhi ya risuna eswitsungeni.

2 TIHOSI 12:3

Ntsena switsunga a swi susiwanga; tiko ri tshama ri endla magandzelo ni ku hisa mirhi ya risuna eswitsungeni.

1 TIHOSI 22:43

A famba endleleni hinkwayo ya Asa, tata wa yena; a nga hambukanga, kambe a endla leswo lulama emahlweni ka Yehovha.

1 TIHOSI 15:14

Hambiswiritano, magandzelo ya switsunga a ma herisiwanga; kambe mbilu ya Asa yi va hinkwayo na Yehovha eku hanyeni ka yena hinkwako.

1 TIHOSI 15:3

A endla swidyoho hinkwaswo leswi endliweke hi tata wa yena, loko a nga si fuma; mbilu ya yena yi nga ri hinkwayo ya Yehovha, Xikwembu xa yena, kukotisa mbilu ya Davhida, tata wa yena.

1 TIHOSI 11:38

Kungakuloko u yingisa hinkwaswo leswi ndzi nga ta ku lerisa swona, ni loko u famba etindleleni ta mina, u endla leswi lulameke emahlweni ka mina, u hlayisa milawu ya mina ni ku lerisa ka mina hilaha Davhida, nandza wa mina, a endleke hakona, ndzi ta va na wena, ndzi ku akela yindlu leyi tiyeke kukotisa leswi ndzi yi akeleke Davhida ndzi va ndzi ku nyika Israele.

1 TIHOSI 11:34

Ndzi nga ka ndzi nga teki ku fuma hinkwako evokweni ra yena, hikuva ndzi ta tiyisa vuhosi bya yena hi masiku hinkwawo ya ku hanyaka yena hikwalaho ka Davhida nandza wa mina, loyi ndzi n'wi hlawuleke, la hlayiseke milawu ya mina, ni ku lerisa ka mina.

1 TIHOSI 11:6

Kutani Solomoni a endla leswo biha emahlweni ka Yehovha; a nga landzanga swinene Yehovha kukotisa Davhida, tata wa yena.

1 TIHOSI 11:4

Kuteloko Solomoni a dyuhele, vasati va yena va hambukisa mbilu ya yena yi landza swikwembu swin'wana; kutani mbilu ya yena yi nga ha ri hinkwayo eka Yehovha, Xikwembu xa yena, kukotisa mbilu ya Davhida, tata wa yena.

1 TIHOSI 9:4

Kutani wena, kungakuloko u famba emahlweni ka mina kukotisa Davhida, tata wa wena, hi ku tenga ka mbilu ni ku lulama, ku endla hinkwaswo leswi ndzi ku leriseke swona, ni loko u hlayisa milawu ya mina ni ku lerisa ka mina,

Duteronoma 10:13

u ri karhi u hlayisa milawu ya Yehovha ni ku lerisa ka yena, leswi ndzi ku leriseke namuntlha leswaku u tsaka?

Duteronoma 11:13

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina,

Pisalema 145:20

Yehovha u londzovota hinkwavo lava n'wi rhandzaka, Kambe wa lovisa lavo biha hinkwavo.

Levhitika 17:5

Hi leswaku vana va Israele va tisa timhamba leti va ti tlhavaka emananga eka muprista, emahlweni ka Yehovha, enyangweni ya tabernakela ya nhlengeletano, kutani va ti humesela Yehovha, ma ri magandzelo ya ku khensa.

1 SAMIELE 9:12

“Xana Muvoni u kona xana?” Va va hlamula, va ku: “U kona le mahlweni ka wena. Hatlisa sweswi, hikuva namuntlha u tile emutini leswi ku nga ni gandzelo leri phahleriwaka tiko exivandleni lexi tlakukeke.

1 TIHOSI 8:25

Sweswi, Yehovha, Xikwembu xa Israele, tiyisa eka nandza wa wena tatana Davhida, lexi u n'wi tshembiseke xona loko u te: ‘U nga ka u nga pfumali emahlweni ka mina, munhu la tshamisaka exiluvelweni xa Israele, loko kunene vana va wena va hitekela tindlela ta vona ku famba emahlweni ka mina, kukotisa leswi u nga famba emahlweni ka mina.’

1 TIHOSI 8:61

Timbilu ta n'wina a ti ve hinkwato na Yehovha, Xikwembu xa hina, ku famba eku leriseni ka yena ni ku hlayisa milawu ya yena kukotisa namuntlha.”

1 TIHOSI 14:8

ndzi handzurile vuhosi, ndzi byi susa endlwini ya Davhida, ndzi ku nyika byona; kambe a ku fananga na nandza wa mina Davhida, la hlayiseke ku lerisa ka mina, la ndzi landzeke hi mbilu hinkwayo ya yena a endla ntsena leswi lulameke emahlweni ka mina;

1 TIHOSI 14:23

Va tiakela, na vona, tindlu eswitsungeni, ti ri ni swifaniso swa Axera va endla sweswo ehenhla ka switsunga hinkwaswo leswi tlakukeke, ni le hansi ka mirhi hinkwayo leyi hlukeke.

1 TIHOSI 15:5

Hikuva Davhida a a endlile leswi lulameke emahlweni ka Yehovha, a nga hambukanga hi masiku hinkwawo ya ku hanya ka yena eka hinkwaswo leswi a swi lerisiweke, loko ku nga ri emhakeni ya Uriya wa Muhiti.

1 TIHOSI 15:11

Asa a endla leswi lulameke emahlweni ka Yehovha, kukota Davhida, tata wa yena.

1 TIHOSI 22:44

Ntsena tindlu ta switsunga ti nga hlanhliwanga: tiko ri tshama ri hisa mirhi ya risuna eswitsungeni.

2 TIHOSI 12:4

Yowasi a ku eka vaprista: “Mali hinkwayo ya swilo leswi kwetsimaka, leyi tisiwaka endlwini ya Yehovha, yi ri mali ya ku hlayiwa, ni mali hinkwayo ya ku kutsula ka vanhu, leyi muprista un'wana ni un'wana a nga ta ringanisa, ni mali hinkwayo leyi munhu a yi tisaka hi mbilu endlwini ya Yehovha;

2 TIHOSI 14:3

A endla leswo lulama emahlweni ka Yehovha, ntsena ku nga ri kukotisa Davhida, tata wa yena; a endla hinkwaswo hi laha Yowasi, tata wa yena a endleke hakona.

2 TIKRONIKA 15:17

Kambe switsunga a swi susiwanga etikweni ra Israele; hambiswiritano, mbilu ya Asa a yi tengile hi masiku hinkwawo ya yena,