1 TIHOSI 21:3 - Xitsonga (Bibele)

³ Naboto a ku eka Akabu: “Hi vito ra Yehovha, ndzi nga ka ndzi nga ku nyiki ndzhaka ya vatata wa mina!”

BIBELE Mahungu Lamanene

³ Kambe Naboto a hlamula Akabu a ku: “Leyi i ndzhaka ya vakokwana; hi ku vona ka mina, ku ku nyika yona, swa yila emahlweni ka HOSI Xikwembu.”

1 TIHOSI 21:3 Referans Kwoze

Tinhlayo 36:7

leswaku ndzhaka ya vana va Israele yi nga tshuki yi sukela nyimba yin'wana ku nghena eka yin'wana; vana va Israele va ta namarhela un'wana ni un'wana endzhakeni ya nyimba ya vatata wa yena.

Levhitika 25:23

“ ‘Masimu ma nga tshuki ma xavisiwa hilaha ku nga heriki, hikuva misava i ya mina; hikuva mi valuveri ni vaendzi eka mina.

Ezekiele 46:18

Hosi yi nga ka yi nga teki nchumu endzhakeni ya munhu, hi ku n'wi hlongola eka leswi a swi fumeke; yi ta teka leswi yi swi fuweke ku endla ndzhaka ya vana va yena, leswaku ku nga tshuki ku va na munhu etikweni ra mina la hlongoriwaka eka leswi a swi fumeke.”

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Vagalatiya 6:14

Kambe loko ndzi ri mina, ku tidzunisa a ku ve kule na mina, loko ku nga ri hi xihambano xa Hosi ya hina, Yesu Kriste, loyi misava yi vamberiweke mina ha yena, na mina ndzi vambiwile eka yona.

1 Vakorinto 6:15

Xana a mi swi tivi leswaku miri wa n'wina i swirho swa Kriste xana? Xana ndzi nga susa swirho swa Kriste ku swi endla swirho swa muoswi xana?

Varhoma 7:13

Xana lexo saseka xi ndzi hundzukele rifu xana? A swi tano! Kambe hi byona vudyoho lebyi ndzi dleleke hi leswo saseka, swi ta vonaka leswaku i vudyoho, byi va byi humesa ku biha ka byona hi ku tlurisisa, hikwalaho ka ku lerisa.

Varhoma 7:7

Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

Varhoma 6:2

Swi nga tshuki swi va tano! Leswi hina hi feke hitlhelo ra vudyoho, hi ta engeta hi hanya eka byona hi mukhuva wihi xana?

Varhoma 3:31

Xana kutani hi herisa nawu hi ku pfumela xana? A swi tano! Kambe hi tiyisa nawu.

Varhoma 3:6

Swi nga tshuki swi va tano! Hikuva ingi loko swi ri tano, Xikwembu a xi ta avanyisa misava hi mukhuva wihi?

Varhoma 3:4

Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

Ntirho 27:5

A ku ve kule na mina ku mi vula lava lulameke! Ndzi ta tiya ndzi tivula la pfumalaka nandzu ndzi kondza ndzi fa;

1 TIKRONIKA 11:19

a ku: “Kule na mina! Xikwembu a xi ndzi sivele ku endlisa sweswo! Xana ndzi ta nwa ngati ya vanhu lava nga hlayisangiki vutomi bya vona xana?” Hikuva va tisile mati lawa hi ku tshika vutomi bya vona, kutani a ala ku nwa. Hi swona leswi endliweke hi tinhenha letinharhu.

1 SAMIELE 24:6

Kutani ndzhaku ka swona, ripfalo ra yena ri n'wi tshinya, hikuva a a xekile nguvu ya Sawulo.

1 SAMIELE 12:23

Loko ndzi ri mina a swi ve kule na mina ku dyohela Yehovha, ni ku tshika ku mi khongelela, kambe ndzi ta mi kombisa ndlela leyinene ni ya ku lulama.

Yoxuwa 24:16

Tiko ri hlamula, ri ku: “A swi ve kule na hina ku tshika Yehovha hi ya tirhela swikwembu swin'wana!

Yoxuwa 22:29

A swi ve kule na hina ku pfuka Yehovha ni ku fularhela Yehovha namuntlha hi ku aka alitari ya tiholokosta, ni ya mihlengo, ni ya magandzelo ehandle ka alitari ya Yehovha, Xikwembu xa hina leyi nga emahlweni ka yindlu ya yena.”

Genesa 44:17

Kambe Yosefa a ku eka vona: “A ndzi na mhaka ya ku endlisa sweswo! Munhu loyi xidzuvulo xi kumiweke evokweni ra yena, hi yena la nga ta va khumbi ra mina; kambe n'wina, tifambeleni hi ku tsaka eka tata wa n'wina.”

Genesa 44:7

Va ku eka yena: “Hosi ya hina yi vulela yini marito lawa xana? A swi ve kule ni malandza ya wena ku endla mhaka leyo tano!

Tinhlayo 36:9

Ndzhaka yin'wana yi nga tshuki yi sukela nyimba ku yisiwa eka yin'wana; hikuva tinyimba ta vana va Israele ti ta namarhela, yin'wana ni yin'wana endzhakeni ya yona.’ ”