1 TIHOSI 2:3 - Xitsonga (Bibele)

³ Hlayisa milawu ya Yehovha, Xikwembu xa wena, u famba etindleleni ta yena, u hlayisa ku lerisa ka yena, ni milawu ya yena, ni ku avanyisa ka yena, ni vumbhoni bya yena, hilaha ku tsariweke hakona enawini wa Muxe leswaku, u tlhariha eswilweni hinkwaswo leswi u nga ta swi endla, ni hinkwako laha u nga ta hundzukela kona;

BIBELE Mahungu Lamanene

³ Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.

1 TIHOSI 2:3 Referans Kwoze

Duteronoma 29:9

Hlayisani-ke marito ya ntwanano lowu, mi endla ha wona leswaku mi kateka eku endleni hinkwako ka n'wina.

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

1 TIKRONIKA 29:19

Loko a ri n'wananga, Solomoni, n'wi nyike mbilu leyo tiya ku hlayisa milawu ya wena, ni marito ya wena, ni ku lerisa ka wena, ni ku heta hinkwaswo, ni ku aka yindlu leyi ndzi yi lunghiseke!”

Pisalema 119:111

Ndzi tekile ku lerisa ka wena, ri va rifuwo ra mina, hi masiku, Hikuva swi tsakise mbilu ya mina.

Malakiya 4:4

“Tsundzukani nawu wa Muxe, nandza wa mina, lowu ndzi wu leriseke Vaisraele hinkwavo ha yena eHorebe, wu nga nawu ni ku lerisa.

Pisalema 119:138

U lerisile milawu ya wena hi ku lulama, Ni vutshembeki lebyikulu.

1 SAMIELE 18:14

Davhida a a endla hi vutlhari etimhakeni hinkwato, kutani Yehovha a a ri na yena.

Yoxuwa 22:5

Ntsena tilanguteleni swinene, mi endla hi ku lerisa ni nawu lowu Muxe, nandza wa Yehovha, a mi leriseke wona, ni ku rhandza Yehovha, Xikwembu xa n'wina, ni ku famba etindleleni hinkwato ta yena, ni ku hlayisa ku lerisa ka yena, ni ku namarhela yena, ni ku n'wi tirhela hi timbilu hinkwato ta n'wina, ni mimoya hinkwayo ya n'wina.”

Pisalema 19:7

Nawu wa Yehovha wu hetisekile, wu wisisa moya; Vumbhoni bya Yehovha bya tshembeka, byi tlharihisa xihunguki.

2 TIHOSI 18:7

Yehovha a a ri na yena; a endla swinene etimhakeni hinkwato leti a ti endlaka. A ala ku tirhela hosi ya Asiriya, kutani a nga ha luvanga eka yena.

2 SAMIELE 8:14

Kutani a veka varindzi etikweni hinkwaro ra Edomu, Vaedomu hinkwavo va fumiwa hi Davhida. Sweswo Yehovha a a ponisa Davhida hinkwako laha a yaka kona.

2 SAMIELE 8:6

Kutani Davhida a veka vanhu va nyimpi ya yena ku langutela Siriya ya Damaska; kutani Vasiriya va fumiwa hi Davhida, va ya luva eka yena. Sweswo Yehovha a a ponisa Davhida hinkwako laha a yaka kona.

1 SAMIELE 18:30

Kakuloko tihosi ta Vafilista ti huma ku ya hlasela, emikarhini hinkwayo loko ti huma, Davhida a a tlula hi vutlhari malandza hinkwawo ya Sawulo; kutani vito ra yena ri dzunisiwa ngopfu.

1 SAMIELE 18:5

Kutani Davhida a huma a famba hinkwako laha Sawulo a n'wi rhumaka kona; kambe a a tlharihile; kutani Sawulo a n'wi veka ndhuna ya vanhu va nyimpi; kutani a a tsakisa tiko hinkwaro, hambi ma ri malandza ya Sawulo.

Duteronoma 5:1

Kutani Muxe a vitana vana va Israele hinkwavo, a ku eka vona: “Yingisani, Vaisraele, milawu ni ku lerisa leswi ndzi swi vulaka namuntlha etindleveni ta n'wina; mi ta swi dyondza, mi va mi tivonela ku swi hlayisa.

Duteronoma 4:45

Hi byona vumbhoni ni milawu ni ku lerisa, leswi Muxe a swi nyikeke vana va Israele loko va humile eEgipta,

Duteronoma 4:8

Ri kwihi kambe tiko lerikulu leri nga ni milawu, ni ku lerisa loku lulameke, kukotisa nawu hinkwawo lowu ndzi wu vekaka namuntlha emahlweni ka n'wina?

Duteronoma 4:5

“Langutani, ndzi mi dyondzisile milawu ni ku lerisa, hilaha Yehovha, Xikwembu xa mina, xi ndzi leriseke hakona, leswaku mi ta tirha ha yona etikweni leri mi nghenaka eka rona ku ri fuma.

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Levhitika 8:35

Mi ta tshama masiku ya ntlhanu na mambirhi enyangweni ya tabernakela ya nhlengeletano, nhlekanhi ni vusiku, mi endla leswi Yehovha a mi leriseke swona, mi nga ti fa; hikuva ku lerisiwile sweswo.”

1 TIHOSI 3:3

Solomoni a a rhandza Yehovha, a famba emilawini ya Davhida, tata wa yena; ntsena a a gandzela ni ku hisa mirhi ya risuna eswitsungeni.

Duteronoma 29:8

Hi tekile tiko ra vona, hi ri nyikile va Rhuveni, ni va Gadi, ni va hafu ya nyimba ya Manase.

Yoxuwa 23:6

Loko swi ri tano, tiyani swinene ku hlayisa ni ku endla hinkwaswo leswi tsariweke ebukwini ya nawu wa Muxe, mi nga hambuki exineneni hambi eximatsini,

Eklesiasta 12:13

A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;