1 TIHOSI 10:2 - Xitsonga (Bibele)

² Yi fika eYerusalema yi landziwa hi vanhu lavo tala ngopfu, va ri ni tikamela leti rhwalaka mirhi ya risuna, ni nsuku lowu teleke ngopfu, ni maribye ya risima. A ta eka Solomoni, a n'wi byela hinkwaswo leswi ngi swi ri embilwini ya yena.

BIBELE Mahungu Lamanene

² Yi fika eYerusalema yi ri ni malandza layo tala ngopfu, ni tikamela leti rhwaleke maviriviri, ni nsuku lowo tala ngopfu, ni maribye ya nkoka. Loko yi fikile eka Solomoni, yi n'wi vutisa xin'wana ni xin'wana lexi a yi ri na xona emiehleketweni ya yona.

1 TIHOSI 10:2 Referans Kwoze

Timhaka 25:23

Hi siku leri tlhandlamaka, Agripa na Berenika, va ta hi xidzumo lexikulu, kuteloko va nghenile ehubyeni, ni tindhuna letikulu ta nyimpi, ni vakulukumba va muti, Pawulo a tisiwa hi ku lerisa ka Festo.

Luka 24:15

Kakuloko va ha vulavula, va vutisana, Yesu hi xiviri xa yena, a va tshinelela, a famba na vona.

Pisalema 4:4

Rhurhumelani, mi nga tshuki mi dyoha; Mi vulavula hi timbilu loko mi etlela, kambe mi miyela.

Ntirho 4:2

“Loko hi tiya ku vulavula na wena, xana hi ta ku karhata-ke? Kambe la nga tibohaka i mani, leswaku a nga vulavuri?

2 TIHOSI 20:13

Hezekiya a yingisa tintsumi leti, kutani a va kombisa yindlu hinkwayo ya xuma xa yena, wu ri nsuku ni silivhere, ni maakha, ni mafurha ya risima, ni matlhari ya yena hinkwawo, ni hinkwaswo leswi ngi swi ri exumeni xa yena. A ku salanga nchumu endlwini ya yena ni le ku fumeni hinkwako ka yena lowu Hezekiya a nga va kombisanga wona.

2 TIHOSI 5:9

Kavaloko Naamani a fika ni tihanci ta yena ni golonyi ya yena, a yima enyangweni ya yindlu ya Elixa.

2 TIHOSI 5:5

Kutani hosi ya Siriya yi ku: “Suka u famba, ndzi ta rhumela hosi ya Israele papila.” Kavaloko a suka a tekile titalenta ta khume ta silivhere ni tixikele ta nsuku ta 6 000, ni tinguvu leto saseka ta khume.

1 TIHOSI 10:10

Kutani a nyika hosi titalenta ta nsuku ta dzana ni makume mambirhi, ni mirhi ya risuna leyi teleke ngopfu, ni maribye ya risima. A ku fikanga ni siku ni rin'we mirhi ya risuna leyi teleke ku fana ni leyi hosi ya wansati ya Xeba yi yi nyikeke hosi Solomoni.

Eksoda 25:6

ni mafurha ya rivoni, ni mirhi ya risuna ku hlanganisa ni mafurha yo tola, ni ya magandzelo ya risuna;

Genesa 18:33

Kavaloko Yehovha a suka loko a hetile ku vulavula na Abrahama, Abrahama a tlhelela ekaya.

1 TIHOSI 10:3

Solomoni a n'wi hlamusela marito hinkwawo ya yena, a ku nga ri na xilo ni xin'we lexi fihleriweke hosi, lexi a tsandzekeke ku n'wi hlamusela xona.

Esaya 30:6

Va rhwexa swifuwo ku ya le dzongeni, etikweni ra makhombo, ra nhlomulo, ra nghala ya ntswele, ni leya matsune, ya mhiri, ni dragona leyi hahaka; va rhwexa vukosi bya vona etimbhongolweni, ni rifuwo ra vona emihlaneni ya tikamela, ku ya etikweni leri va nga tiki kuma nchumu eka rona.

Ezekiele 27:22

Vabindzuri va le Xeba na Rhama, a va bindzula na wena; va veka eswitolweni swa wena swinun'hwelo hinkwaswo leswo nun'hwela, ni maribye hinkwawo layo saseka, ni nsuku.

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;