1 TIHOSI 1:16 - Xitsonga (Bibele)

¹⁶ Batixeba a korhama, a khinsama emahlweni ka hosi. Kutani hosi yi ku: “U na yini xana?”

BIBELE Mahungu Lamanene

¹⁶ Batixeba a xeweta hosi hi ku korhama, mombo wa yena wu ko wu khumba ehansi, kutani hosi yi n'wi vutisa yi ku: “Mhaka ya wena hi yihi ke?”

1 TIHOSI 1:16 Referans Kwoze

1 SAMIELE 25:23

Kuteloko Abigayele a vona Davhida, a hatlisa a xika mbhongolweni, a wela ehansi emombyeni, emahlweni ka Davhida, a khinsama.

1 SAMIELE 24:8

Sweswo Davhida a yimisa vanhu va yena hi marito lawa, kutani a nga va pfumelelanga ku pfuka Sawulo. Kutani Sawulo a pfuka a huma ebakweni, a famba hi ndlela ya yena.

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.

Matewu 20:32

Yesu a yima a va vitana, a ku: “Mi rhandza leswaku ndzi mi endlela yini xana?”

Matewu 20:21

Yesu a ku eka yena: “U lava yini?” Yeloyi a ku eka yena: “A ndzi ku, vana va mina havambirhi a va tshamise eku fumeni ka wena, un'wana evokweni ra xinene, un'wana eka lera ximatsi.”

Estere 7:2

Na kambe hosi yi ku eka Estere, hi siku ra vumbirhi, loko ku nwiwa vhinyo: “U kombela yini, nkosikazi Estere? U ta xi nyikiwa. U kombela yini? Ni loko ku nga va ku avanyisa ka vumbirhi ka ku fuma, u ta endleriwa swona.”

1 TIHOSI 2:20

A ku: “Ndzi ta kombela mhaka leyitsongo eka wena, u nga ndzi ariseri yona.” Hosi yi ku eka yena: “Kombela, manana; hikuva ndzi nga ka ndzi nga ku ariseri nchumu.”

1 TIHOSI 1:23

Kutani va ya byela hosi, va ku: “Natani, muprofeta, hi loyi.” Kavaloko a nghena emahlweni ka hosi, a khinsama hi mombo emahlweni ka hosi.

1 TIHOSI 1:15

Batixeba a nghena eka hosi, endlwini, kambe hosi a yi dyuhele ngopfu, kutani Abixaga wa Xuneme a a tirhela hosi.

1 TIHOSI 1:17

A ku eka yona: “N'wini wanga, u hlambanyele nandza wa wena, hi Yehovha, Xikwembu xa wena, u te: ‘Kunene Solomoni, n'wana wa wena, u ta fuma endzhaku ka mina; hi yena la nga ta tshamisa exiluvelweni xa mina.’