1 SAMIELE 9:7 - Xitsonga (Bibele)

⁷ Sawulo a ku eka nandza wa yena: “Hi swona, kambe loko hi ya kona, hi ta heleketa yini eka munhu wa Xikwembu xana? Swinkwa a swi kona, emikwameni ya hina, kambe a hi na mihlengo ku yi humesela munhu wa Xikwembu. Hi na yini xana?”

BIBELE Mahungu Lamanene

⁷ Sawulo a ku ka nandza: “Hiswona, a hi fambe! Kambe xana hi nga n'wi khomela yini munhu loyi wa Xikwembu? Timbuva ta hina ti herile eminkwameni, naswona a hi na nyiko leyi hi nga n'wi khomelaka yona. Xana hi na yini kwala?”

1 SAMIELE 9:7 Referans Kwoze

2 TIHOSI 8:8

Kutani hosi yi ku eka Hazaele: “Teka mihlengo u ya hlangana ni munhu wa Xikwembu, u vutisa Yehovha ha yena, u ku: ‘Xana ndzi ta hanya evuvabyini lebyi xana?’ ”

1 TIHOSI 14:3

Teka emavokweni ya wena swinkwa swa khume, ni swimbhundzwana, ni mbita ya vulombe, u ya eka yena: u ta ku byela leswi nga ta humelela eka n'wana loyi.”

2 TIHOSI 4:42

Ku te munhu la sukeke eBaala-Xalixa, a tisele munhu wa Xikwembu swakudya ni swirhangana, swi ri swinkwa swa makume mambirhi swa barley ni min'oko, enkwameni wa yena. Elixa a ku eka yena: “Nyika vanhu lava, va dya.”

2 TIHOSI 5:15

Naamani a tlhelela eka munhu wa Xikwembu ni vanhu va yena hinkwavo, kuteloko a fikile a yima emahlweni ka yena, a ku: “Waswivo, ndza tiva leswaku a ku na Xikwembu emisaveni hinkwayo loko ku nga ri etikweni ra Israele. Sweswi, wanga amukela nhlengo wa ku khensa evokweni ra nandza wa wena.”

2 TIHOSI 5:5

Kutani hosi ya Siriya yi ku: “Suka u famba, ndzi ta rhumela hosi ya Israele papila.” Kavaloko a suka a tekile titalenta ta khume ta silivhere ni tixikele ta nsuku ta 6 000, ni tinguvu leto saseka ta khume.

Vaavanyisi 6:18

U nga tshuki u suka kwala, ndzi nga si tlhela ndzi ta eka wena, ndzi ku tisela nyiko ya mina, ndzi yi veka emahlweni ka wena.” Yena a ku: “Ndzi ta tshama u ko u vuya.”

1 TIHOSI 13:7

Hosi yi ku eka munhu wa Xikwembu: “Nghena na mina endlwini, u dya Swakudya, ndzi ta ku ha nyiko.”

2 TIHOSI 8:9

Hazaele a ya hlangana na yena, a teka mihlengo ni hinkwaswo leswo saseka ku tlurisa leswi ngi swi ri Damaska, yi ri mirhwalo ya tikamela ta mune wa makume; kutani a fika a yima emahlweni ka yena, a ku: “N'wana wa wena, Bene-Hadada, hosi ya Siriya, u ndzi rhumile eka wena ku ku vutisa, u ri: ‘Xana ndzi ta pfuka evuvabyini lebyi xana?’ ”

Ezekiele 13:19

Ma ndzi sola emahlweni ka tiko ra mina, ku amukela swandla swa koro, ni swipandzwa swa vuswa; ma ndzi sola loko mi lovisa mimoya leyi nga taka yi nga fi, ni loko mi ponisa mimoya leyi nga taka yi nga hanyi, mi va mi hembela tiko ra mina leri yingisaka mavunwa.