1 SAMIELE 8:5 - Xitsonga (Bibele)

⁵ “Waswivo, u dyuharile, kutani vana va wena a va fambi etindleleni ta wena. Sweswi hi vekele hosi ku hi avanyisa, kukotisa ematikweni hinkwawo.”

BIBELE Mahungu Lamanene

⁵ va ku ka yena: “Vona, u dyuharile, naswona vana va wena a va hanyi hi tindlela ta wena; hikokwalaho, hi hlawulele hosi leyi nga ta hi fuma, hi ta fana ni van'wana vanhu va matiko hinkwawo.”

1 SAMIELE 8:5 Referans Kwoze

Timhaka 13:21

Endzhaku ka swona va kombela hosi; kutani Xikwembu xi va nyika Sawulo, n'wana Kixi, wanuna wa rixaka ra Benjamini; kutani yena a fuma hi malembe ya mune wa makume.

1 SAMIELE 12:17

Namuntlha a hi nkarhi wa ku tshovela ka koro xana? Ndzi ta huwelela eka Yehovha, kutani u ta pfumisa tilo, a nisa mpfula, mi ta tiva ni ku vona vukulu bya ku dyoha ka n'wina emahlweni ka Yehovha, loko mi tikombelele hosi.”

Tinhlayo 23:9

Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

1 SAMIELE 9:20

Loko ti ri timbhongolo leti ti ku lahlekeleke ku hundzile masiku manharhu namuntlha, u nga tikarhati hikwalaho ka tona, hikuva ti kumiwile. Kambe ku navela hinkwako ka Israele ku ya ka mani xana? A hi ka wena ni ka yindlu hinkwayo ya tata wa wena xana?”

1 SAMIELE 12:2

sweswi hosi leyi nga ta famba emahlweni ka n'wina hi yoleyi; loko ndzi ri mina ndzi dyuhele, ndzi basile misisi, kutani vana va mina hi lava exikarhi ka n'wina. Loko ndzi ri mina, ndzi fambile emahlweni ka n'wina ku suka evutsongwaneni bya mina ku fika namuntlha.

1 SAMIELE 12:13

Sweswi hosi leyi mi nga yi hlawula, leyi mi yi kombeleke, hi leyi; Yehovha u yi vekile hosi ehenhla ka n'wina.

Vaavanyisi 8:22

Kutani vana va Israele va ku eka Gidiyoni: “U hi fuma u ri wena, ni n'wana wa wena, ni ntukulu wa wena, hikuva u hi lamulerile emavokweni ya Vamidiyani.”

1 SAMIELE 10:19

Kambe n'wina, namuntlha, mi sandzile Xikwembu xa n'wina, xona lexi nga mi ponisa emakhombyeni hinkwawo ya n'wina, ni le ku xanisekeni ka n'wina, kutani mi te eka xona: ‘Kunene, u ta veka hosi ehenhla ka hina!’ Sweswi humelelani emahlweni ka Yehovha hi tinyimba ta n'wina ni madzanadzana ya n'wina.”