1 SAMIELE 8:3 - Xitsonga (Bibele)

³ Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

BIBELE Mahungu Lamanene

³ Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

1 SAMIELE 8:3 Referans Kwoze

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

Pisalema 15:5

A nga lombi mali ya yena hi bindzu, Kambe a nga amukeri tinyiko, a ta avanyisa la nga riki na nandzu. La endlaka sweswo a nga ka a nga tsekatsekisiwi, ni siku ni rin'we.

Eksoda 23:8

U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

1 Timotiya 3:3

a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

Esaya 33:15

U ta va loyi a fambaka endleleni ya ku lulama, la vulavulaka swo lulama, la sandzaka rifuwo leri tekiweke hi matimba, la nikinaka mavoko ya yena a nga ti tshuka a amukela tinyiko, a tisiva tindleve, leswaku a nga tshuki a twa timhaka ta ku dlaya, la swinyaka mahlo leswaku a nga voni swo biha.

2 SAMIELE 15:4

Abixalomu a engeta, a ku: “A a ndzi vekiwe muavanyisi etikweni! Munhu un'wana ni un'wana la nga ni mhaka ya ku tenga hambi ya ku tengisana a ta ta eka mina, ndzi ta lulamisa ta yena!”

Eklesiasta 2:19

Kambexana u tiviwa hi mani leswaku u ta va mutlharihi, kumbe xihunguki xana? Kasi hi yena la nga ta va n'wini wa mitirho hinkwayo ya mina, leyi ndzi tikarhataka ha yona, leyi ndzi yi endleke hi vutlhari ehansi ka dyambu. Swoleswo, na swona, i vuhava.

Pisalema 26:10

Lava khomeke ku dlaya emavokweni ya vona, Kambe swandla swa vona swa xinene swi tele ku hanana ka ku xenga.

Eksoda 23:6

“U nga hombolokisi mhaka leyi lulameke ya xisiwana xa warikwenu ehubyeni.

1 SAMIELE 2:35

Ndzi ta tivekela muprista la tshembekeke; u ta endla hi ku rhandza ka mbilu yanga ni moya wa mina, ndzi ta n'wi akisela yindlu leyi tiyeke, kutani u ta famba hilaha ku nga heriki emahlweni ka Muhlawuriwa wa mina.

1 SAMIELE 12:2

sweswi hosi leyi nga ta famba emahlweni ka n'wina hi yoleyi; loko ndzi ri mina ndzi dyuhele, ndzi basile misisi, kutani vana va mina hi lava exikarhi ka n'wina. Loko ndzi ri mina, ndzi fambile emahlweni ka n'wina ku suka evutsongwaneni bya mina ku fika namuntlha.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”