1 SAMIELE 8:11 - Xitsonga (Bibele)

¹¹ “Hi wona nawu wa hosi leyi nga ta mi fuma: U ta teka vana va n'wina, a va khandziyisa etigolonyini ta yena ni le tihancini ta yena, va ta tsutsuma emahlweni ka golonyi ya yena.

BIBELE Mahungu Lamanene

¹¹ kutani a ku: “Hosi leyi nga ta mi fuma, yi ta endlisa leswi: Yi ta teka majaha ya n'wina leswaku ma ya va vakhandziyi va makalichi ya yona ni vagadi va tihanci ta yona; va ta hamba va tsutsuma emahlweni ka makalichi ya yona.

1 SAMIELE 8:11 Referans Kwoze

1 SAMIELE 14:52

Masiku hinkwawo ya ku hanya ka Sawulo, a ku lwiwa hi matimba ni Vafilista; kutani, kakuloko Sawulo a vona wanuna lowo tiya ni wa vunhenha, a n'wi hlawula a famba na yena.

1 SAMIELE 10:25

Kavaloko Samiele a byela tiko timhaka ta vuhosi, kutani a ti tsala ebukwini, a yi veka emahlweni ka Yehovha. Kutani Samiele a tlherisa tiko hinkwaro ekaya, un'wana ni un'wana endlwini ya yena.

2 SAMIELE 15:1

Endzhaku ka sweswo, Abixalomu a tilavela tigolonyi ni tihanci, ni vavanuna va ntlhanu wa makume lava tsutsumaka emahlweni ka yena.

1 TIHOSI 10:26

Solomoni a hlengeleta makalichi ni vakhandziyi va tihanci, kutani a va ni makalichi ya 1 400, ni vakhandziyi va tihanci va 12 000; a va yisa emitini ya makalichi, ni le hosini, eYerusalema.

1 TIHOSI 18:46

Kutani Akabu a khandziya ekalichini ya yena, a muka eYizriele. Kambe voko ra Yehovha ri va henhla ka Eliya a tiboha xisuti a tsutsuma emahlweni ka Akabu, ku fika enyangweni ya Yizriele.

1 TIHOSI 12:10

Majaha lama kuleke na yena, ma n'wi hlamula, ma ku: “U ta vurisa sweswo eka tiko leri vulavuleke na wena, ri ku: ‘Tata wa wena u tikisile mpingu wa hina kambe wena, wu vevukise ehenhla ka hina.’ U ta va byela, u ku: ‘Xintihwana xa mina xi tlula xifungha xa tatana.

1 TIHOSI 12:4

“Tata wa wena u tikisile mpingu wa hina, wena sweswi, u nga vevukisa ntirho lowo nonon'hwa wa tata wa wena, ni mpingu lowo tika lowu a hi vekeleke ehenhla, hi kona hi nga ta ku tirhela.”

1 TIHOSI 1:5

Kutani Adoniya, n'wana Hagiti, a tikurisa, a ku: “Ndzi ta va hosi!” A tilavela tigolonyi ni vakhandziyi va tihanci, ni vanhu va ntlhanu wa makume lava tsutsumaka emahlweni ka yena.

1 SAMIELE 8:9

Sweswi yingisa rito ra vona; ntsena u va laya swinene, u va tivisa milawu ya hosi leyi nga ta va fuma.”

1 TIHOSI 14:27

Rhobuwamu a endla ematshan'weni ya swona switlhangu swa koporo, a swi veka emavokweni ya tindhuna ta vatsutsumi leti hlayisaka nyangwa ya yindlu ya hosi.

1 SAMIELE 22:7

Kavaloko Sawulo a ku eka malandza ya yena lama yimeke ekusuhi na yena: “Yingisani, va Benjamini! Xana n'wana Yese u ta mi nyika hinkwenu masimu ni tivhinya? Xana u ta mi veka hinkwenu tindhuna ta khume ra madzana ni ta dzana,