1 SAMIELE 7:8 - Xitsonga (Bibele)

⁸ Kavaloko vana va Israele va byela Samiele, va ku: “U nga tshiki ku hi khongelela ka Yehovha, Xikwembu xa hina, leswaku a hi ponisa emavokweni ya Vafilista.”

BIBELE Mahungu Lamanene

⁸ va ku ka Samiele: “U nga karhali ku hi khongelela, u huwelela eka HOSI Xikwembu xa hina, leswaku xi hi lamulela emavokweni ya Vafilista.”

1 SAMIELE 7:8 Referans Kwoze

Esaya 37:4

Kumbe Yehovha, Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, xi ta avanyisa marito lawa a ma yingiseke, kutani u ta humesela tiko lera ha seleke xikhongelo.’ ”

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Esaya 62:1

Hikwalaho ka Siyoni, ndzi nga ka ndzi nga miyeri, hikwalaho ka Yerusalema, ndzi nga ka ndzi nga wisi, ku hlayiseka ka yena ku kondza ku vonakala kukota vurhonga, ni ku pona ka yena kukotisa rivoningo.

Yeremiya 27:18

Kungakuloko va ri vaprofeta, ni loko rito ra Yehovha ri ri kona eka vona, a va khongele Yehovha wa mavandla, leswaku swibya leswa ha saleke endlwini ya Yehovha, ni le ndlwini ya hosi ya Yuda ni le Yerusalema, swi nga tekeriwi Babilona.

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;