1 SAMIELE 7:10 - Xitsonga (Bibele)

¹⁰ Kakuloko Samiele a ha humesa holokosta, Vafilista va tshinela ku ta lwa na Israele. Kambe Yehovha a pfumisa tilo hi matimba ehenhla ka Vafilista, a va pfilunganya, kutani va hluriwa emahlweni ka Israele.

BIBELE Mahungu Lamanene

¹⁰ Loko Samiele a ri karhi a hisa gandzelo, Vafilista va tshinelela ku ta lwa ni Vaisraele. Kambe hi siku rero, HOSI Xikwembu xi balekisa tilo xi ri dumisa swinene ehenhla ka Vafilista, xi va hlanganisa tinhloko, kutani va tsutsuma, Vaisraele va ri karhi va va hlalela.

1 SAMIELE 7:10 Referans Kwoze

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

1 SAMIELE 12:17

Namuntlha a hi nkarhi wa ku tshovela ka koro xana? Ndzi ta huwelela eka Yehovha, kutani u ta pfumisa tilo, a nisa mpfula, mi ta tiva ni ku vona vukulu bya ku dyoha ka n'wina emahlweni ka Yehovha, loko mi tikombelele hosi.”

Vaavanyisi 5:20

Tinyeleti ta le matilweni ti lwa, Ti lwa na Sisera loko ti hundza hi tindlela ta tona.

Yoxuwa 10:10

Kutani Yehovha a va hangalasa emahlweni ka Israele kutani Israele a lwa na vona, a va hlula swinene ekusuhi na Gibiyoni; kutani Israele a va hlongorisa endleleni leyi khandziyaka ya Bet-Horoni, a lwa na vona ku fika eAzeka na Makeda.

Zakariya 4:6

Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

Vaavanyisi 5:8

Kakuloko Vaisraele va hlawula swikwembu leswintshwa, Nyimpi yi humelela etinyangweni. Xana xitlhangu, kumbe tlhari a ri kumiwa Eka Vaisraele va 40 000 xana?

Vaavanyisi 4:15

Kutani Yehovha a hangalasa Sisera ni tigolonyi ta yena hinkwato, ni mavandla ya yena hinkwawo hi ku kariha ka fumu, emahlweni ka Baraka; Sisera a xika egolonyini ya yena, a baleka hi milenge.

1 SAMIELE 7:11

Va ka Israele va huma eMispa, va hlongorisa Vafilista, kutani va va hlasela ku ya fika ehansi ka Beta-Kara.

1 SAMIELE 14:15

Kutani nchavo wu va kona emixaxeni ni le tikweni ni le xikarhi ka vanhu hinkwavo va tiko; vanhu va khokholo ni lava fambeke ku ya phanga, va khomiwa hi ku chava na vona; kutani tiko ri tsekatseka; a ku ri ku chava ka Xikwembu.

Pisalema 29:3

Rito ra Yehovha ri pfuma ehenhla ka mati, Xikwembu xo kwetsima xi twakarisa ku dzindza; Yehovha u le henhla ka mati lamakulu.

Pisalema 29:4

Rito ra Yehovha ri ni matimba, Rito ra Yehovha ri twakala hi vukulu,

Duteronoma 28:7

“Yehovha u ta ku nyika ku hlula valala va wena lava nga ta ku pfuka va ta huma hi ndlela yin'we ku lwa na wena, kambe va ta baleka emahlweni ka wena hi tindlela ta ntlhanu na timbirhi.

Pisalema 18:15

Vuento bya lwandle byi humelela, Masungulo ya misava ma hluvuleka, Hi ku holova ka wena, Yehovha! Hi ku huhutela ka moya wa tinhompfu ta wena.

Pisalema 78:66

Xi tlhava valala va xona endzhaku, Xi va byarisa tingana leti nga heriki.