1 SAMIELE 7:1 - Xitsonga (Bibele)

¹ Va Kiriyata-Yeyarimi va ta, va tlhandlukisa areka ya Yehovha, va yi nghenisa endlwini ya Abinadaba exitsungeni, kutani va hlawula Eliyazara, n'wana wa yena, a ta hlayisa areka ya Yehovha.

BIBELE Mahungu Lamanene

¹ Kutani vavanuna va Kiriyata-Yeyarimi va ya teka Areka ya HOSI, va famba na yona, va yi rhurhela endlwini ya Abinadaba leyi a yi ri exitsungeni, kutani va hlawula n'wana wa yena Eliyazara ku va muhlayisi wa yona.

1 SAMIELE 7:1 Referans Kwoze

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Pisalema 132:6

Languta, hi swi twile loko yi vuriwa Efrata, Hi yi kumile emasin'wini ya Yaare ...

1 SAMIELE 6:21

Kavaloko va rhuma tintsumi eka va Kiriyata-Yeyarimi, va ku: “Vafilista va tlherisile areka ya Yehovha, tanani mi ta yi tlhandlukisa eka rikwenu.”

Yoxuwa 18:14

Kutani wu rhendzeka, wu kongoma evupeladyambu, edzongeni ka ntshava leyi langutaneke na Bet-Horoni edzongeni, kutani wu ya fika eKiriyata-Baala, hileswaku Kiriyata-Yeyarimi, wu nga muti wa vana va Yuda; hi rona tlhelo ra vupeladyambu.

Yoxuwa 9:17

Kavaloko vana va Israele va suka va famba, kutani siku ra vunharhu va fika emitini ya vona; miti ya vona a wu ri Gibiyoni, na Kefira, na Beroto na Kiriyata-Yeyarimi.

1 SAMIELE 7:2

Mpfhuka areka yi vekiwa Kiriyata-Yeyarimi, ku hundza masiku layo tala kuteloko ku hundzile malembe ya 20, yindlu hinkwayo ya Israele yi navela Yehovha.

1 TIKRONIKA 13:3

hi ta vuyisela eka hina, areka ya Xikwembu xa hina, hikuva a hi vutisanga ta yona emikarhini ya Sawulo.”