1 SAMIELE 6:6 - Xitsonga (Bibele)

⁶ Xana mi ta nonon'hwisela yini timbilu ta n'wina, kukotisa leswi Vaegipta na Faro va nonon'hwiseke timbilu ta vona xana? Xana a swi nga vi kukotisa loko xi va endleke hi matimba, kutani va va tshika va famba?

BIBELE Mahungu Lamanene

⁶ Xana mi nonon'hwisela yini timbilu ta n'wina, tanihi leswi Vaegipta na Faro wa vona va nonon'hwiseke timbilu ta vona, xana? Loko HOSI Xikwembu xi hetile ku va yingayingisa, xana a va tshikanga Vaisraele va famba, kutani Vaisraele va hambana na vona, xana?

1 SAMIELE 6:6 Referans Kwoze

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Eksoda 7:13

Kambe mbilu ya Faro yi nonon'hwa, kutani a nga va yingisanga, hilaha Yehovha a nga vula hakona.

Eksoda 9:34

Kambe Faro, kuteloko a vonile leswaku mpfula ni xihangu ni ku pfuma swi miyele, a engeta a dyoha, a ti nonon'hwisa mbilu, yena ni malandza ya yena.

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Pisalema 95:8

Mi nga nonon'hwisi timbilu ta n'wina, kukotisa le Meriba, Tanihi emasikwini ya Masa le mananga,

Ntirho 9:4

Vutlhari ni matimba hinkwawo swi na xona: I mani la nga kanetanaka na xona, a vuya a hanya?

Eksoda 14:23

Kutani Vaegipta va va hlongorisa, va nghena exikarhi ka lwandle endzhaku ka vona, ni tihanci ta Faro hinkwato, ni makalichi ya yena ni vakhandziyi va yena.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Eksoda 9:16

Kambe ndzi ku tshikile hikwalaho leswaku u vona matimba ya mina, ni leswaku vito ra mina ri twakala emisaveni hinkwayo.

Eksoda 8:32

Kambe Faro a engeta a ti nonon'hwisa mbilu, a ala ku tshunxa tiko.

Eksoda 4:21

Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.

Eksoda 7:14

Kutani Yehovha a ku eka Muxe: “Mbilu ya Faro yi nonon'hwile, wa ala ku tshunxa tiko.