1 SAMIELE 6:4 - Xitsonga (Bibele)

⁴ Kutani va ku: “Hi ta yi humeselela nhlengo lowo yini xana?” Va ku: “Mi ta humesa matshumba ya nsuku ya ntlhanu, ni timbeva ta nsuku ta ntlhanu, hi ntsengo wa tindhuna ta Vafilista; hikuva khombo rin'we a ri ri ehenhla ka vona hinkwavo ni le henhla ka tindhuna ta n'wina.

BIBELE Mahungu Lamanene

⁴ Kutani Vafilista va vutisa nakambe va ku: “Xana hi ta rhumela mhamba muni yo riha nandzu eka Xikwembu lexi xana?” Va hlamula va ku: “Rhumelani ntlhanu wa swifaniso swa matshumba swa nsuku, ni ntlhanu wa swifaniso swa makondlo swa nsuku, hi ku ya hi ntsengo wa tihosi ta Vafilista, hikuva mi weriwile hi ntungu wo fana n'wina hinkwenu swin'we ni tihosi leti.

1 SAMIELE 6:4 Referans Kwoze

Vaavanyisi 3:3

I tihosi ta ntlhanu ta Vafilista, ni Vakanana hinkwavo, ni Vasidoni ni Vahivhi, lava akeke entshaveni ya Lebanoni, ku sukela entshaveni ya Baala-Hermoni ku yisa eHamata.

Yoxuwa 13:3

ku suka eXihoro, lowu khulukelaka Egipta, ku fika endzilakaneni wa Ekroni, en'walungwini, tiko leri vuriwaka ra Vakanana: hileswaku tihosi ta ntlhanu ta Vafilista, ya Gaza, ya Axidodo, ya Axikeloni, ya Gati, ya Ekroni, ni Vaavhimi;

1 SAMIELE 5:9

Kuteloko va yi heleketile kona, voko ra Yehovha ri va henhla ka muti: khombo lerikulu ri va kona, ri ba vanhu va muti, ku suka eka lavatsongo, ku yisa eka lavakulu; kutani matshumba ma humelela emirini wa vona.

1 SAMIELE 5:6

Kutani voko ra Yehovha ri tikela va Axidodo, a va nghenisa ekhombyeni a ba va Axidodo ni va matlhelo ya kona hi matshumba.

1 SAMIELE 6:5

Mi ta endla swifaniso swa matshumba ya n'wina, ni swifaniso swa timbeva leti onhaka tiko ra n'wina, kutani mi ta dzunisa Xikwembu xa Israele: kumbe xana xi ta vevukisa voko ra xona ehenhla ka n'wina, ni le henhla ka swikwembu swa n'wina, ni le henhla ka tiko ra n'wina.

1 SAMIELE 5:12

Vanhu lava nga siki faka, a va vavisiwa hi matshumba, kutani huwa ya muti a yi tlhandluka ku fika etilweni.

Eksoda 12:35

Vana va Israele va endla hilaha Muxe a va byeleke hakona; va lomba eka Vaegipta swibya swa silivhere, ni swa nsuku, ni tinguvu.

1 SAMIELE 6:8

Kavaloko mi ta teka areka ya Yehovha, mi yi veka ehenhla ka golonyi; loko swi ri swilo swa nsuku leswi mi nga ta yi humesela swona, wu nga nhlengo wa nandzu, mi ta swi nghenisa ebokisini, kusuhi ni areka, kutani mi ta tshika tihomu ti famba, hi kona yi nga ta timukela.

Vaavanyisi 14:19

Kutani Moya wa Yehovha wu n'wi tela, a ngirimela eAxikeloni, a dlaya kona vavanuna va 30, a famba ni swilo swa vona, a ya nyika lava nga hlamusela mawetana ya yena tinguvu ta vona. Kutani a tala ku kariha, a tlhelela eka tata wa yena.