1 SAMIELE 6:3 - Xitsonga (Bibele)

³ Va ku: “Kungakuloko mi tlherisa areka ya Xikwembu xa Israele, mi nga tshuki mi yi mukisa ntsena, kambe mi ta yi humesela nhlengo wa nandzu; kutani mi ta horisiwa, kumbe mi ta tiva xana voko ra Xikwembu a ri mi sukelanga ha yini?”

BIBELE Mahungu Lamanene

³ Va hlamula va ku: “Loko mi tlherisa Areka ya Xikwembu xa Israele, mi nga yi tlherisi ntsena, kambe ringetani hi matimba ku yi tlherisa yi ri ni mhamba yo riha nandzu eka Xikwembu lexi, hi kona mi nga ta hola, naswona hi kona mi nga ta tiva leswi a swi mi vangela ku biwa hi nkhavi wa Xikwembu.”

1 SAMIELE 6:3 Referans Kwoze

1 SAMIELE 6:9

Mi ta yi languta; kutani kungakuloko yi tlhandluka endleleni ya ndzilakana wa yona, tlhelo ra Beta-Xemexe, i Yehovha la hi tiseleke khombo lerikulu leri; loko swi nga ri tano, hi ta tiva leswaku voko ra yena a ri hi khumbanga, kambe swi hi humelele ntsena.”

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Eksoda 34:20

U ta kutsula mativula ya mbhongolo hi xinyimpfana; loko u nga ri kutsuli, u ta ri tshova nhamu. U ta kutsula mativula hinkwawo ya vana va wena. “U nga tshuki u humelela emahlweni ka mina u nga tamelanga nchumu.

Ntirho 10:2

Ndzi ta ku eka Xikwembu: ‘U nga si ndzi vula lowo biha, Vula lexi hi tengisanaka ha xona!

1 SAMIELE 5:11

Kutani va rhuma vanhu ku ya hlengeleta tindhuna hinkwato ta Vafilista, va ku: “Tlherisani areka ya Xikwembu xa Israele, yi muka ekaya ka yona, yi nga tshuki yi hi dlaya, hina ni tiko ra hina.” Hikuva ku chava ka rifu a ku wele emutini hinkwawo; voko ra Xikwembu a ri wu tikela ngopfu.

1 SAMIELE 5:9

Kuteloko va yi heleketile kona, voko ra Yehovha ri va henhla ka muti: khombo lerikulu ri va kona, ri ba vanhu va muti, ku suka eka lavatsongo, ku yisa eka lavakulu; kutani matshumba ma humelela emirini wa vona.

1 SAMIELE 5:7

Va Axidodo kuteloko va vonile swoleswo, va ku: “Areka ya Xikwembu xa Israele yi nga ka yi nga tshami ka rikwerhu, hikuva voko ra xona ri hi tikela ngopfu, hina na Dagona, Xikwembu xa hina.”

Levhitika 6:6

U ta yisa eka muprista mhamba ya yena ya ku rihela Yehovha, ri nga khuna leri nga riki na xivati, leri hlawuriweke entlhambini, leri u ri ringaniseke.

Levhitika 5:6

u ta humesela Yehovha hikwalaho ka nandzu wa yena, ntswele ya xifuwo lexitsongo, hambi yi ri nyimpfu, hambi mbuti leswaku yi va mhamba yo susa nandzu, kutani muprista u ta n'wi phahlela mhamba hikwalaho ka nandzu wa yena.

1 SAMIELE 6:8

Kavaloko mi ta teka areka ya Yehovha, mi yi veka ehenhla ka golonyi; loko swi ri swilo swa nsuku leswi mi nga ta yi humesela swona, wu nga nhlengo wa nandzu, mi ta swi nghenisa ebokisini, kusuhi ni areka, kutani mi ta tshika tihomu ti famba, hi kona yi nga ta timukela.

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.