1 SAMIELE 5:9 - Xitsonga (Bibele)

⁹ Kuteloko va yi heleketile kona, voko ra Yehovha ri va henhla ka muti: khombo lerikulu ri va kona, ri ba vanhu va muti, ku suka eka lavatsongo, ku yisa eka lavakulu; kutani matshumba ma humelela emirini wa vona.

BIBELE Mahungu Lamanene

⁹ Kambe loko va yi hundziserile kona, HOSI yi ba muti wolowo, yi wu chavisa swinene, yi xanisa vaaki, hinkwavo va huma matshumba, lavakulu ni lavatsongo.

1 SAMIELE 5:9 Referans Kwoze

1 SAMIELE 5:6

Kutani voko ra Yehovha ri tikela va Axidodo, a va nghenisa ekhombyeni a ba va Axidodo ni va matlhelo ya kona hi matshumba.

1 SAMIELE 7:13

Sweswo Vafilista va tsongahatiwa, kutani a va ha nghenanga etikweni ra Israele kambe voko ra Yehovha ri va henhla ka Vafilista hi masiku hinkwawo ya Samiele.

Duteronoma 2:15

Na rona voko ra Yehovha a ri ri ehenhla ka vona ku va heta emixaxeni, va ko va hela.

1 SAMIELE 12:15

Kambe loko mi nga yingisi rito ra Yehovha, ni loko mi arisa ku lerisa ka Yehovha, voko ra Yehovha ri ta va henhla ka n'wina kukotisa loko ingi ri va henhla ka vatata wa n'wina.

Pisalema 78:66

Xi tlhava valala va xona endzhaku, Xi va byarisa tingana leti nga heriki.

Amosi 5:19

Swi ta kota munhu loko a balekela nghala, kutani a hlangana ni bere; a nghena endlwini, a tiseketela hi voko ra yena ekhumbini, kutani a lumiwa hi nyoka!

1 SAMIELE 6:11

kutani va veka areka ya Yehovha egolonyini, swin'we ni bokisi, leri nga ni timbeva ta nsuku, ni swifaniso swa matshumba ya vona.

1 SAMIELE 5:11

Kutani va rhuma vanhu ku ya hlengeleta tindhuna hinkwato ta Vafilista, va ku: “Tlherisani areka ya Xikwembu xa Israele, yi muka ekaya ka yona, yi nga tshuki yi hi dlaya, hina ni tiko ra hina.” Hikuva ku chava ka rifu a ku wele emutini hinkwawo; voko ra Xikwembu a ri wu tikela ngopfu.

1 SAMIELE 5:10

Kutani va rhuma areka ya Xikwembu eEkroni. Kakuloko areka ya Xikwembu yi nghena eEkroni, va huwelela, va ku: “Va fikisile areka ya Xikwembu xa Israele eka hina, ku hi dlaya hina ni tiko ra hina.”