1 SAMIELE 5:7 - Xitsonga (Bibele)

⁷ Va Axidodo kuteloko va vonile swoleswo, va ku: “Areka ya Xikwembu xa Israele yi nga ka yi nga tshami ka rikwerhu, hikuva voko ra xona ri hi tikela ngopfu, hina na Dagona, Xikwembu xa hina.”

BIBELE Mahungu Lamanene

⁷ Loko vavanuna va Axidodo va vona leswi humelelaka, va ku: “Areka ya Xikwembu xa Vaisraele yi nga tshuki yi tshama ka hina, hikuva Xikwembu xa vona xa hi ba hi nkhavi lowukulu, hina ni xikwembu xa hina Dagona.”

1 SAMIELE 5:7 Referans Kwoze

Eksoda 12:33

Kutani Vaegipta va hluhlurheta tiko va ri hatlisisa ku huma etikweni ra vona; hikuva a va ku: “Hi file hinkwerhu.”

Yeremiya 48:7

“Hikuva loko u titshembele mitirho ya wena, ni vukosi bya wena, na wena, u ta byisiwa, kutani Kemoxi u ta yisiwa eku bohiweni swin'we ni vaprista va yena ni vakulukumba va yena.

Yeremiya 46:25

Ku vula Yehovha wa tinyimpi Xikwembu xa Israele: “Vonani, ndzi ta ba Amoni wa No, na Faro, na Egipta, ni swikwembu swa vona, ni tihosi ta vona, na Faro ni lava n'wi tshembeke.

1 TIKRONIKA 15:13

Hikuva a mi nga ri kona eku sunguleni, kutani Yehovha, Xikwembu xa hina u endlile mbhovo exikarhi ka hina, hikuva a hi n'wi lavanga hilaha ku lerisiweke hakona.”

2 SAMIELE 6:9

Kutani Davhida a chava Yehovha siku leri, a ku: “Areka ya Yehovha yi ta nghenisa ku yini endlwini ya mina xana?”

1 SAMIELE 6:20

Va Beta-Xemexe va ku: “I mani la tivaka ku yima emahlweni ka Yehovha, Xikwembu lexo kwetsima xana? Areka yi ta tlhandlukela eka mani loko yi suka ka hina-ke?”

1 SAMIELE 4:8

Hi le khombyeni! I mani la nga ta hi kutsula emavokweni ya swikwembu leswi swi matimba xana? Hi swona swikwembu leswi nga ba Vaegipta hi makhombo ya tinxakaxaka emananga.

Eksoda 10:7

Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Eksoda 9:28

Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

Eksoda 8:28

Kutani Faro a ku: “Ndzi ta mi tshunxa mi ya gandzela Yehovha, Xikwembu xa n'wina emananga, kambe mi nga tshuki mi ya ekule; ndzi khongeleleni.”

Eksoda 8:8

Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

1 SAMIELE 5:6

Kutani voko ra Yehovha ri tikela va Axidodo, a va nghenisa ekhombyeni a ba va Axidodo ni va matlhelo ya kona hi matshumba.

1 SAMIELE 5:8

Kavaloko va rhuma vanhu, va ya vitana tindhuna hinkwato ta Vafilista, va ku: “Hi ta endla yini hi areka ya Xikwembu xa Israele xana?” Kutani va ku: “Areka ya Xikwembu xa Israele a yi heleketiwe Gati,” kutani va heleketa areka ya Xikwembu xa Israele kona.