1 SAMIELE 5:4 - Xitsonga (Bibele)

⁴ Siku leri tlhandlamaka va Axidodo va pfuka kambe nimixo, kutani maswivo Dagona a wile hansi emombyeni emahlweni ka areka ya Yehovha; nhloko ya Dagona ni mavoko mambirhi ya yena swi tsemekile, swi ri exitulwini xa nyangwa; ku sele miri ntsena.

BIBELE Mahungu Lamanene

⁴ Kambe loko va pfuka nimpundzu hi siku leri tlhandlamaka, va kuma leswaku Dagona ú tlhele a wela ehansi hi mombo emahlweni ka Areka ya HOSI. Nhloko ya yena ni mavoko ya yena ha mambirhi swi tsemekile, swi wele enyangweni ya tempele, Dagona a sala ni miri wa yena ntsena.

1 SAMIELE 5:4 Referans Kwoze

Mikiya 1:7

Swifaniso hinkwaswo swa yena leswi vatliweke swi ta fayeteriwa, ni tinyiko leti nga amukeriwa hi yena ti ta hisiwa, ndzi va ndzi onha swifaniso swa yena hinkwaswo; hikuva u tilavele swona hi hakelo ya vumbhisa, swi ta tlhela swi hundzuka hakelo ya mbhisa.

Yeremiya 50:2

“Tivisani sweswo exikarhi ka matiko, mi ti twarisa, mi yimisa mujeko; va byeleni, mi nga fihli, mi ku: ‘Babilona u khomiwile, Bele u khomisiwe tingana, Merodaka u tshoviwile; swifaniso swa yena swi khomisiwile tingana, swikwembu swa yena swi tshoviwile.’

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

Daniele 11:8

Kutani u ta yisa eEgipta swikwembu swa vona, ni swifaniso swa swona swa nsimbhi swin'we ni mitirho ya nkoka ya vona ya nsuku ni ya silivhere, kutani ku ta hundza malembe man'wana lawa a nga ta hlula hosi ya le n'walungwini ha wona.

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

1 SAMIELE 6:5

Mi ta endla swifaniso swa matshumba ya n'wina, ni swifaniso swa timbeva leti onhaka tiko ra n'wina, kutani mi ta dzunisa Xikwembu xa Israele: kumbe xana xi ta vevukisa voko ra xona ehenhla ka n'wina, ni le henhla ka swikwembu swa n'wina, ni le henhla ka tiko ra n'wina.

Esaya 40:20

Xisiwana lexi tsetselelaka swa xona, xi hlawula murhi lowu nga munyiwiki, xi tilavela mutirhi la tlhariheke ku vatla xifaniso lexi nga tsekatsekiki.

Yeremiya 10:14

Munhu un'wana ni un'wana u hungukile hi ku pfumala ku tiva; kutani munyukisi un'wana ni un'wana a khomisiwa tingana hi xifaniso xa yena, hikuva xifaniso xa yena i vunwa ntsena, a ku na ku hefemula ka xona.

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.