1 SAMIELE 5:3 - Xitsonga (Bibele)

³ Siku leri tlhandlamaka, va Axidodo va pfuka nimixo, kutani maswivo Dagona a wile hansi emombyeni, emahlweni ka areka ya Yehovha; kutani va teka Dagona, va n'wi veka evutshan'weni bya yena.

BIBELE Mahungu Lamanene

³ Hi siku leri tlhandlamaka, loko vaaki va Axidodo va pfuka nimpundzu, va kuma leswaku Dagona ú wele ehansi hi mombo, emahlweni ka Areka ya HOSI. Kutani va n'wi pfuxa, va n'wi tlherisela evutshan'wini bya yena.

1 SAMIELE 5:3 Referans Kwoze

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Esaya 46:7

Va xi tlakula, va xi rhwala ekhatleni, va xi veka endhawini ya xona, kutani xi tshama kona, xi nga suki; hambi va huwelela eka xona a xi hlamuli a xi ponisi munhu enhlomulweni wa yena.

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Marka 3:11

Ni mimoya ya thyaka, loko yi n'wi vona, a yi khinsama emahlweni ka yena, yi huwelela, yi ku: “U N'wana wa Xikwembu!”

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Esaya 41:7

Muvatli u khongotela munyukisi, la vangamisaka hi nyundzu u khongotela la baka xikalanyundzu. U khensa murhi lowu hlanganisaka tinsimbhi, a ku: “Wu nene!” Kutani u tiyisa xifaniso hi swipikiri leswaku xi nga tsekatseki.

Esaya 40:20

Xisiwana lexi tsetselelaka swa xona, xi hlawula murhi lowu nga munyiwiki, xi tilavela mutirhi la tlhariheke ku vatla xifaniso lexi nga tsekatsekiki.

Pisalema 97:7

Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Eksoda 12:12

“Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

1 SAMIELE 6:5

Mi ta endla swifaniso swa matshumba ya n'wina, ni swifaniso swa timbeva leti onhaka tiko ra n'wina, kutani mi ta dzunisa Xikwembu xa Israele: kumbe xana xi ta vevukisa voko ra xona ehenhla ka n'wina, ni le henhla ka swikwembu swa n'wina, ni le henhla ka tiko ra n'wina.

1 SAMIELE 6:1

Areka ya Yehovha yi tshamile tin'hweti ta ntlhanu na timbirhi etikweni ra Vafilista.

1 TIHOSI 18:26

Kutani va teka nkunzi leyi va yi nyikiweke va yi lunghisa; kutani va khongela Baali ku suka nimixo ku yisa nhlekanhi, va ku: “O Baali, hi hlamule!” Kambe va nga twi rito ra ku hlamula. Kutani va cina hi matimba, va rhendzela alitari leyi va yi endleke.

Pisalema 115:7

Swi tsandzeka ku khoma hi mavoko ya swona, Hi milenge ya swona a swi fambi, A ku na rito le ri humaka emikolweni ya swona.