1 SAMIELE 5:10 - Xitsonga (Bibele)

¹⁰ Kutani va rhuma areka ya Xikwembu eEkroni. Kakuloko areka ya Xikwembu yi nghena eEkroni, va huwelela, va ku: “Va fikisile areka ya Xikwembu xa Israele eka hina, ku hi dlaya hina ni tiko ra hina.”

BIBELE Mahungu Lamanene

¹⁰ Kavaloko va rhumela Areka ya Xikwembu emutini wa Ekroni. Kambe loko Areka ya Xikwembu yi fika le Ekroni, vaaki va kona va huwelela va ku: “Va tisile Areka ya Xikwembu xa Israele eka hina leswaku yi ta hi heta, hina ni va ka hina.”

1 SAMIELE 5:10 Referans Kwoze

Amosi 1:8

Ndzi ta herisa lava akeke eAxidodo, ni la tamelaka nhonga ya vuhosi le Axikeloni. Ndzi ta tlhela ndzi tshambuluta voko ra mina ehenhla ka Ekroni, kutani Vafilista lava seleke va ta hela,” ku vula Yehovha Xikwembu.

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

Vaavanyisi 1:18

Yuda a teka na Gaza ni tiko ra kona, na Axikeloni, ni tiko ra kona, na Ekroni, ni tiko ra kona.

Yoxuwa 15:45

Ekroni ni miti ya yona ni swimitana.

Yoxuwa 13:3

ku suka eXihoro, lowu khulukelaka Egipta, ku fika endzilakaneni wa Ekroni, en'walungwini, tiko leri vuriwaka ra Vakanana: hileswaku tihosi ta ntlhanu ta Vafilista, ya Gaza, ya Axidodo, ya Axikeloni, ya Gati, ya Ekroni, ni Vaavhimi;

1 SAMIELE 5:9

Kuteloko va yi heleketile kona, voko ra Yehovha ri va henhla ka muti: khombo lerikulu ri va kona, ri ba vanhu va muti, ku suka eka lavatsongo, ku yisa eka lavakulu; kutani matshumba ma humelela emirini wa vona.

1 SAMIELE 5:11

Kutani va rhuma vanhu ku ya hlengeleta tindhuna hinkwato ta Vafilista, va ku: “Tlherisani areka ya Xikwembu xa Israele, yi muka ekaya ka yona, yi nga tshuki yi hi dlaya, hina ni tiko ra hina.” Hikuva ku chava ka rifu a ku wele emutini hinkwawo; voko ra Xikwembu a ri wu tikela ngopfu.

2 SAMIELE 7:9

a ndzi ri na wena hinkwako laha u fambeke kona, ndzi hetile valala hinkwavo va wena emahlweni ka wena; ndzi ku endlile vito lerikulu, kukotisa mavito ya vakulu lava nga emisaveni.

Yoxuwa 15:11

Kutani wu huma en'walungwini, eku rheleleni ka Ekroni wu kongoma eXikeroni, wu hundza entshaveni ya Baala, kutani wu ya humela eYabinele kambe wu ya hela elwandle.

1 SAMIELE 6:1

Areka ya Yehovha yi tshamile tin'hweti ta ntlhanu na timbirhi etikweni ra Vafilista.

1 SAMIELE 17:52

Kutani vanhu va Israele ni va Yuda va pfuka va ba huwa, va hlongorisa Vafilista ku fika eku sunguleni ka nkova, ni le tinyangweni ta Ekroni; mitsumbu ya Vafilista yi andlarile ndlela ya Xaarayimi, ku fika eGati ni ku fika eEkroni.

1 TIKRONIKA 7:21

na Zabada, n'wanakwe, na Xutela, n'wanakwe; na Ezere na Eleyada, Vanhu va Gati, lava tswariweke etikweni, va va dlaya, hikuva a va ngirimerile ku ya teka mitlhambi ya vona.

Amosi 6:2

“Yanani le Kaline, mi vona, loko mi suka kona, mi hundzela eHamata lonkulu, kutani mi ta rhelela le Gati wa Vafilista. Xana miti yoleyo yi sasekile ku tlula miti leyi ya n'wina xana? Kumbe tiko ra vona i rikulu eka tiko ra n'wina xana?