1 SAMIELE 4:3 - Xitsonga (Bibele)

³ Tiko ri tlhela ri nghena emixaxeni, kutani vakulukumba va Israele va ku: “Xana Yehovha u hi tshikele yini hi hluriwa hi Vafilista namuntlha xana? A hi yeni Xilo, hi ya lava areka ya ntwanano wa Yehovha, a yi te xikarhi ka hina, yi hi ponisa emavokweni ya valala va hina.”

BIBELE Mahungu Lamanene

³ Kuteloko mavuthu ma tlhelele emixaxeni, vakulukumba va Israele va ku: “Hikwalaho ka yini HOSI Xikwembu xi hi tshikile hi hluriwa hi Vafilista namuntlha ke? A hi yeni eXilo hi ya teka Areka ya Ntwanano wa HOSI Xikwembu, leswaku xi ta va exikarhi ka hina, ni leswaku xi ta hi lamulela emavokweni ya valala va hina.”

1 SAMIELE 4:3 Referans Kwoze

Yuda 1:5

Kambe ndzi rhandza ku mi tsundzuxa mhaka leyi mi yi tivaka, hileswaku Hosi, kuteloko yi ponisile tiko ra yona etikweni ra Egipta, yi engete yi lovisa lava nga pfumelangiki;

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

Vaheveru 9:4

leyi a yi ri ni mbita ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka yona, a ku ri ni mbita ya nsuku leyi ngi yi ri ni manna ni nhonga ya Aroni leyi balekeke swiluva, ni maribye ya ntwanano.

2 Timotiya 3:5

va ni nghohe ya vukhongeri, kambe va arile matimba ya byona. Na vona, u va fularhela.

Yeremiya 7:4

Mi nga titshembisi hi ku vula swahava, loko mi ku: “Tempele ya Yehovha, tempele ya Yehovha, tempele ya Yehovha hi yoleyo.”

Yeremiya 3:16

“ ‘Kutakuloko mi andzile, mi tatile tiko, emikarhini yoleyo, ku vula Yehovha, a va nga ha vuli: “Areka ya ntwanano wa Yehovha.” Hikuva a yi nga ha tsundzukiwi, yi nga ka yi nga ha naveriwi. Kambe ku nga ka ku nga ha endliwi yin'wana.

Esaya 58:3

‘Swa hi pfuna yini ku titsona swakudya, loko u nga swi voni? Ni ku tsongahatisa mimoya ya hina, loko u nga vuri nchumu ha swona?’ Vonani siku lero mi titsonaka swakudya, mi endla leswi mi tsakisaka, mi khoma mitirho ya N'wina hinkwayo.

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Pisalema 74:11

U khondlela yini voko ra wena, voko ra wena ra xinene xana? Ri humese exifuveni xa wena, u va heta.

Pisalema 74:1

Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

1 TIKRONIKA 17:1

Davhida, kuteloko a tshamile endlwini ya yena, a ku eka Natani, muprofeta: “Waswivo, ndzi akile endlwini ya kedari, kutani areka ya ntwanano wa Yehovha yi le ntsongeni.”

2 SAMIELE 15:25

Kutani hosi yi ku eka Sadoki: “Tlherisa areka ya Xikwembu emutini; kungakuloko Yehovha a ndzi twela vusiwana, u ta ndzi vuyisa, a ndzi kombisa yona ni yindlu ya yona.

1 SAMIELE 14:18

Sawulo a ku eka Ahiya: “Tshineta areka ya Xikwembu!” Hikuva areka ya Xikwembu a yi ri kona siku lero ni vana va Israele.

Yoxuwa 7:7

Kavaloko Yoxuwa a ku: “Yo! Hosi Yehovha, u perisele yini-ke tiko leri eYordani, ku hi nyiketa emavokweni ya Vaamori, ni ku hi lovisa? Ingi loko hi pfumerile ku tshama ehase ka Yordani!

Yoxuwa 4:7

Mi ta ku eka vona: Mati ya Yordani ma avanile emahlweni ka areka ya ntwanano wa Yehovha; loko yi pela Yordani, mati ya Yordani ma avanile, kutani maribye lawa, i xitsundzuxo eka vana va Israele hilaha ku nga heriki.”

Duteronoma 31:26

“Tekani buku leyi ya nawu, mi yi veka ekusuhi ni areka ya ntwanano wa Yehovha, Xikwembu xa n'wina, yi va mbhoni kona emahlweni ka wena.

Duteronoma 29:24

Matiko hinkwawo ma ta ku: ‘Yehovha u endlele yini sweswo eka tiko leri xana? Ku pfurha ka vukari lebyikulu lebyi, ku lo yini xana?’

Tinhlayo 31:6

Muxe a va rhuma eku lweni, va ri na Finiyasi, n'wana Eliyazara, muprista, a tamele swibya leswi hlawuriweke, ni tinanga leto pfuma.

Tinhlayo 10:35

Eku sukeni ka areka, Muxe a a ku: “Pfuka, Yehovha! Valala va wena a va hangalasiwe, lava ku vengaka a va hlongorisiwe emahlweni ka wena.”

Tinhlayo 10:33

Kavaloko va suka entshaveni ya Yehovha, va famba ndlela ya masiku manharhu, areka ya ntwanano wa Yehovha yi ri karhi yi famba emahlweni ka vona endlela ya masiku manharhu, yi ya va lavela xivandla xa ku wisa.

Yoxuwa 6:6

Kutani Yoxuwa, n'wana Nuni, a vitana vaprista, a ku eka vona: “Tlakulani areka ya ntwanano, kambe vaprista va 7 a va tamele tinanga ta 7 leti pfumaka emahlweni ka areka ya Yehovha.”

Yoxuwa 7:8

Ndzi nga vula yini, Hosi, leswi Israele a fularheleke valala va yena?

1 SAMIELE 1:24

Kuteloko a n'wi lumurile, a n'wi tlhandlukisa na yena, a a ri ni tinkunzi tinharhu, ni efa ya mapa, ni nkwama wa vhinyo; kutani a n'wi heleketa endlwini ya Yehovha, eXilo, kambe wandzisanyana a a ri lontsongo ngopfu.

1 SAMIELE 4:2

Vafilista va tilunghisa ku ya hlangana na Israele, kutani ku lwa ku va kona hinkwako. Israele a hluriwa hi Vafilista lava dlayeke vanhu eku lweni ni le nhoveni, va lava ku fika 4 000.

Esaya 59:1

Vonani voko ra Yehovha a ri khwanyelanga leswaku ri nga tsandzeka ku ponisa, ni ndleve ya yena a yi sivekanga leswaku yi nga tsandzeka ku yingisa.

Esaya 59:2

Kambe i swidyoho swa n'wina leswi endleke rihlampfu exikarhi ka n'wina ni Xikwembu xa n'wina; i milandzu ya n'wina leyi mi sirheleke mombo wa xona, leswaku xi nga mi yingisi.