1 SAMIELE 4:12 - Xitsonga (Bibele)

¹² Munhu wa Benjamini a tsutsuma, a sukile eku lweni, kutani a fika eXilo siku rolero, tinguvu ta yena ti handzuriwile, ni misava yi ri enhlokweni ya yena.

BIBELE Mahungu Lamanene

¹² Wanuna wa nyimba ya va ka Benjamini a ta hi ku tsutsuma a huma enyimpini, a ta fika emutini wa Xilo siku rero. A a handzulerile swiambalo swa yena, a ticherile ni misava enhlokweni.

1 SAMIELE 4:12 Referans Kwoze

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Ntirho 2:12

Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla.

Nehemiya 9:1

Hi siku ra makume mambirhi na mune ra n'hweti leyi, vana va Israele va hlengeletana ku titsona swakudya, va ambele maxuka layo khwaxa, va tikhuva tinhloko hi ntshuri.

2 SAMIELE 15:32

Davhida a ha ku fika enhlohlorhini laha va khinsamaka emahlweni ka Xikwembu, loko Huxayi wa Muariki a ta bakana na yena nguvu ya yena yi handzuriwile, ni misava yi ri enhlokweni ya yena.

2 SAMIELE 1:2

Siku ra vunharhu, ku fika munhu la humaka enyimpini, eka Sawulo, tinguvu ta yena ti handzuriwile, a a ri ni ntshuri enhlokweni; a ta eka Davhida, kutani a wela ehansi, a khinsama.

2 SAMIELE 13:19

Kavaloko Tamari a teka nkuma a wu hoxa enhlokweni ya yena, a handzula nguvu ya mavalavala leyi a yi ambaleke, a tlakusa voko enhlokweni ya yena, a suka a famba, a ri karhi a huwelela.

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Ezekiele 24:26

esikwini lero, la chupukaka u ta ta eka wena, a ku byela timhaka leti etindleveni.

Ezekiele 27:30

Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.