1 SAMIELE 3:4 - Xitsonga (Bibele)

⁴ Yehovha a vitana Samiele. Yena a ku: “Hi mina loyi.”

BIBELE Mahungu Lamanene

⁴ Kutani HOSI Xikwembu xi vitana Samiele; yena a hlamula a ku: “Ndza ta!”

1 SAMIELE 3:4 Referans Kwoze

Esaya 6:8

Kutani ndzi twa rito ra Hosi, ri ku: “Ndzi ta rhuma mani, i mani la nga ta famba ematshan'weni ya hina?” kutani ndzi ku: “Hi mina loyi, ndzi rhume.”

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

Eksoda 3:4

Yehovha a vona leswaku u hambukele ku ta languta, Xikwembu xi n'wi vitana xi ri exikarhi ka xihlahla, xi ku: “Muxe, Muxe!” Yena a ku: “Hi mina loyi.”

Genesa 22:1

Endzhaku ka timhaka teto, Xikwembu xi ringa Abrahama, xi ku eka yena: “Abrahama!” A hlamula a ku: “Hi mina loyi!”

1 Vakorinto 12:28

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

Timhaka 9:4

Kutani a wela ehansi, a twa rito leri nge eka yena: “Sawulo, Sawulo, u ndzi xanisela yini?”

1 SAMIELE 3:5

Kutani a tsutsuma, a ya eka Heli, a ku eka yena: “Hi mina loyi, hikuva u ndzi vitanile.” Heli a ku eka yena: “A ndzi ku vitananga; tlhela u ya etlela.” Kutani a ya etlela.

Genesa 22:11

Kavaloko ntsumi ya Yehovha yi n'wi vitana yi ri etilweni, yi ku: “Abrahama, Abrahama!” Yena a ku: “Hi mina loyi!”