1 SAMIELE 27:12 - Xitsonga (Bibele)

¹² Kambe Akixi a a tshemba Davhida, a ku: “U tiendlele ndzhukano eka tiko ra yena ra Israele, kutani u ta va nandza wa mina hi masiku.”

BIBELE Mahungu Lamanene

¹² Akixi a a tshemba Davhida swinene, a anakanya a ku: “Davhida ú tivangele rivengo lerikulu eka vanhu va ka vona va Israele; hikokwalaho ú ta ndzi tirhela vutomi bya yena hinkwabyo!”

1 SAMIELE 27:12 Referans Kwoze

1 SAMIELE 13:4

Kutani Vaisraele hinkwavo va yingisa leswi va swi vulaka loko va ku: “Sawulo u hangalasile khokholo ra Vafilista na yena Israele a vengiwa hi Vafilista. Kavaloko tiko ri hlengeletana eGiligala ku landza Sawulo.”

Genesa 34:30

Kutani Yakobo a ku eka Simiyoni ni le ka Levhi: “Mi ndzi dyisa mbitsi, mi ndzi endle rivengo eka vaaki va tiko leri, ni ka Vakanana, ni ka Vaperesi; kasi mina ndzi ni vanhu va nga ri vangani, kutani sweswi, va ta ndzi rhambela, va ndzi wela, ndzi lova ni yindlu ya mina.”

Eksoda 5:21

“Yehovha a a mi langute, kutani a hi avanyisela, hikuva mi hi endlile xisandzu emahlweni ka Faro, ni le mahlweni ka malandza ya yena, mi va nyikile fumu ro hi dlaya.”

1 SAMIELE 27:11

Davhida a nga tshikanga munhu un'we a hanya, hambi a ri wanuna, hambi a ri wansati ku va tisa eGati, hikuva a a chava leswaku va nga ta vula timhaka tin'wanyana leti va nga kanetaka Davhida ha tona, va ku: “Davhida u endlile leswo karhi.” A tshama a endla sweswo emikarhini hinkwayo leyi a akeke etikweni ra le handle ka Vafilista.

1 SAMIELE 28:1

Emasikwini lawa, Vafilista va hlengeleta tinyimpi ta vona ku ya pfuka Vaisraele. Kavaloko Akixi a ku eka Davhida: “Wa swi tiva leswaku ndzi ta huma na wena ku ya emixaxeni ni vanhu va wena.”

2 SAMIELE 10:6

Kambe vana va Amoni va vona leswaku va tiendlile lava vengiwaka eka Davhida, kutani vana va Amoni va rhuma, va ya rhamba vanhu va 20 000 Vasiriya va Beta-Rehobo, ni Vasiriya va Soba; ni hosi ya Maaka leyi ngi yi ri ni vanhu va 1 000; ni va ka Toba, va ri va 12 000.